意大利餐食得僅半飽，我哋一行四人轉戰松記。朋友珍甜品想先熱後凍，故先叫左碗又好味又有益又補血的
椰汁紫米露。紫米露軟糯度、濃稀度適中，呈顆粒狀的口感相當實在有嚼口，椰汁味道較淡，加上淡奶攪拌嚟食，味道恰到好處而不會太甜。
![松記糖水的相片 - 銅鑼灣)]()
食完熱甜品，珍叫左
Oreo餅碎@花生碎豆腐味綿綿冰配雜果嚟食。綿綿冰如棉花糖般鬆軟、入口即溶，冷凍香滑而略帶淡淡的豆腐味；Oreo餅碎夠香夠脆夠甜，混合綿綿冰食口感味道超正﹗花生碎唔新鮮、有點油膱味，不吃也罷﹗綿綿冰底下有哈蜜瓜、西瓜等雜果，小妹個人覺得口感配搭格格不入。
![松記糖水的相片 - 銅鑼灣)]()
CK酥，顧名思義，就係松記(Chung Kee)酥，係松記獨創的。單看外表，似是一件脆卜卜的拿破崙。幾層薄薄而鬆脆、淡味的酥皮，夾著香滑忌廉、罐頭雜果椰肉及少量清甜芒果；外層再加上一大球曲奇味的雪糕，最後淋上士多啤梨醬汁，賣相一流，惜整體味道偏淡口。此外，食時較麻煩，叉和手並用先可以順利解決眼前甜點。
![松記糖水的相片 - 銅鑼灣)]()
雜果黑珍珠，即明列子，用冷水泡開即膨脹開來，種子外圍呈現一圈白色半透膜，極像可愛的小蝌蚪。有潤腸功能，口感滑溜溜，幾特別﹗再配上西瓜、芒果、哈蜜瓜等雜果，雪凍後冰涼沁人心脾，清甜而健康，盛夏甜品之首選也﹗
![松記糖水的相片 - 銅鑼灣)]()
芒果紫米露雪凍之後吃，會更香更Q哦！撈埋d椰汁淡奶一齊吃，有嚼口且清涼透心，可惜芒果偏酸，實為美中不足也﹗
![松記糖水的相片 - 銅鑼灣)]()
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
