筲箕灣食肆林立，但日式食肆欠奉，尤其天悅一帶，可供選擇的食肆不多。小妹屢次經過路口，見到此店宣傳易拉架，均會伸頭望向內巷窺探，惜次次時間唔啱，只見店舖關門 - 原來佢哋只做午市及晚市。今日，終於有機會去試午市定食了
雖然位處隱蔽的內巷，但舖面環境尚算整潔，舖內裝修則傾向簡潔，樸實無華，或可叫慳皮。午市有多款壽司刺身定食、拉麵定食、石頭鍋飯定食、和味比薩批、壽司卷物等。
![一村壽司和食屋的相片 - 筲箕灣)]()
小妹叫左個蕃茄湯香菇鮮蟹棒拉麵定食($48)，配熱檸茶、沙律及加州卷兩件。檸茶味淡如水，沙律不新鮮。一言以蓋之：差﹗
![一村壽司和食屋的相片 - 筲箕灣)]()
加州卷d飯鬆散，味道一般。蕃茄湯香菇鮮蟹棒拉麵配料頗足，有三隻香菇、三條蟹棒、大量甜粟米粒、海帶及金菇等；拉麵屬一般貨色，幸不會過腍或過硬；豬骨湯底灑上白芝麻，湯既香又不會過鹹，正﹗總括而言，拉麵不過不失。不過，奇怪的是，蕃茄湯去左邊？小妹僅見湯中有若干未溶解的蕃茄蓉而已﹗
![一村壽司和食屋的相片 - 筲箕灣)]()
要幫襯的話，要有心理準備啊 - 午市因人手嚴重不足，招呼不太周到，上菜速度勁慢。當日全店滿座，約有46位客人，樓面只有兩人負責帶位、落單、上菜、沖調飲品、賣單及執枱，心忙腳亂。平心而論，佢哋服務態度都叫ok，客人投訴無水或上菜慢時，佢哋都會講：唔好意思。然後跟進。依家請人困難，小妹也明白小本經營的辛苦之處。不過，佢哋仍收取10%服務費，就有點兒說不過了﹗
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
