今日，見有時間，約弟婦去東大街搵食。都十一點幾了，想幫襯的兩間食店竟然還沒有開門﹗眼利的弟婦見對面街有間骨子的食店，就捉左我入去。當時店門尚未開，一女士正在抺舖面玻璃門，我估佢係老闆之一啩﹗佢見到我哋，就馬上開門殷勤招呼，一男子(另一老闆？)開燈及冷機。
一睇招呼及裝修，就知絕非大集團式經營，係小本自家式經營的。米黃色粗糙的的牆上，貼上不同款式的裝飾貼紙，簡單得黎幾特別，也頗見心思﹗
![席前的相片 - 筲箕灣)]()
我哋叫左個Brunch超值二人餐($88) - 雞翼及豬頸肉串各一，燒汁雞扒飯，炒椰菜，奶油豬仔包一個，凍朱古力及凍檸茶。Order即叫即做，上菜較慢，但慢工出美食，絕對值得等候﹗我哋一邊飲嘢，一邊閒聊，陸續有人客到來，好快坐滿。凍朱古力味道正常；凍檸茶不是用傳統茶餐廳的錫蘭紅茶，好似係用西式紅茶包，味道獨特，但絕非小妹喜歡的傳統味道雞翼醃得入味、燒得外脆內嫩，略嫌燒得過時，乾左少少；豬頸肉配燒汁也好味，肥瘦相間的肉質富油香，咬落有嚼口；椰菜炒得香口、油份適量；雞扒肉嫩滑入味，切成一小件，配上香軟煙韌珍珠白米飯及濃郁特製燒汁，正﹗最後出場的係奶油豬仔包，嘩，好好味﹗豬仔包從中對半剖開，兩面塗上金黃色牛油，淋上煉奶，外層脆卜卜，一咬麵包碎四散，滿口脆麵包及香甜奶油，滋味無窮﹗
![席前的相片 - 筲箕灣)]()
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
