今日，成班同事一齊出去食飯歡送同事升職調走，萬麗海景自助餐係我哋不二的選擇。
第一轉:
攞左鮮甜爽脆的沙律，沙律菜、醬汁及配料選擇勁多；肥美、脂肪分佈平均的三文魚及鮮甜鮑片刺身；凍蝦肥美鮮甜；翡翠螺夠厚身，但肉質唔夠爽滑；煙三文魚香滑，有香草味且鹹度適中。
第二轉:
再攞沙律、三文魚及鮑片刺身；雞翼一般，可以唔試；白汁海鮮長通粉夠彈牙好味；炸魚手指香脆可口。
![萬麗咖啡室的相片 - 灣仔)]()
第三轉：
麵包超硬，咬左一口啃唔落；皮蛋芫茜魚肉羹料多好味，小妹再加其他自選粥配料就更頂呱呱兼有口感；三色杏仁餅唔算太甜，幾好味，但三色味道無咩分別；焦糖燉蛋超滑溜、蛋味香，底部仲有芝麻碎，簡直係極品；芒果布甸好香芒果味，夠滑嫩；奶凍味道偏淡，質感頗滑。
第四轉：
焦糖燉蛋係小妹至愛，一小杯豈能滿足我，再攞三小杯品嚐；Haagen-Dasz雪糕有草莓、雲呢嗱、Oreo、朱古力及咖啡味，小妹試左前三款，Oreo淋左，唔脆口；朱古力慕絲有香濃朱古力味，輕盈幼滑，配合白朱古力薄片，更具口感。
![萬麗咖啡室的相片 - 灣仔)]()
小妹最近眼闊肚窄，食左四轉已超飽，無力再試其他熱葷及甜品。同事話d即淥麵食、南瓜湯都幾好味，惜小妹已後繼無力了，惟有下次努力﹗佢哋d甜品款式多，的的骰骰，仲不斷有新款更換添，值得一讚﹗
![萬麗咖啡室的相片 - 灣仔)]()
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
