好耐無見陳婆婆，同友人約佢老人家食飯聚舊，佢提議去屋企附近青年廣場的大極樓食上海嘢。
![太極樓京滬飯店的相片 - 柴灣)]()
雞絲粉皮 – 粉皮夠QQ、青瓜夠爽甜、惜雞絲無咩雞味，加上芝麻油等醬汁攪拌，沒有難吃的道理。
脆皮素鵝 – 超正﹗用新鮮腐皮包著木耳等配料，炸到外脆內嫩，既香口又美味﹗不過，餡料太少且偏油膩啊……
太極小籠包 – 皮厚肉唔夠香濃少汁。
上海粗炒麵 – 即叫即炒，鑊氣十足，熱辣辣香噴噴。炒麵乾爽少油，配料有椰菜絲、冬菇絲等，爽脆入味，配合香濃惹味的醬汁，頓感幸福滿瀉。最重要是碟底沒有太多油，可見師傅炒麵的功力到家。
薑茸甫腐竹 – 鮮腐竹、小棠菜配薑汁，令味蕾一片清新，立即清去油膩感。惜小棠菜偏嚡，嘴嚼較費勁，婆婆咬唔爛。
![太極樓京滬飯店的相片 - 柴灣)]()
豆沙窩餅 – 豆沙絕非鮮製，有陣油饐味，唔多新鮮。
酒釀小丸子 – 材料有桂花、酒釀和小丸子，再加類似蕃薯粉調稠。桂花味香，惜無咩酒味，而部份小丸子未熟腍，仍是一塊塊粉團。
![太極樓京滬飯店的相片 - 柴灣)]()
簡單黎講，呢度食物普普通通，勝在人客不多，環境寧靜，總算是個舒服的傾偈地方。不過，地面有部份瓷磚碎左未修理，間隔又奇奇怪怪。此外，侍應好得閒，都落力加水、收碗等，服務算殷勤，但行為及講嘢予人怪怪的感覺。d侍應、以及佢哋d服飾極有大陸feel，好似返到人民食堂咁﹗
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
