係灣仔返工，食晏最討厭未食完就被催趕埋單交枱。想搵一間可以慢慢歎，環境舒服，價錢適中，選擇不多，樂意扒房徝得考慮。今年，同事揀左呢度同我慶祝牛一。
作為一間老牌的扒房，木天花，紅磚牆，紅白格子枱布，懷舊的陳設，營造出一個舒適的空間，讓食客係品嚐食物時，也在回味過往的歲月。
![樂意扒房的相片 - 灣仔)]()
餐湯有紅白，小妹揀左周打蜆湯，味道OK，但較杰，只飲左幾口。餐包得幾片焗窿左的小多士，令小妹大失所望。以往四人同行，會有一大盤熱辣辣、鬆軟香脆的麵包多士，今日竟然失手，兼且孤寒左。主菜我哋揀左三文魚扒和雞扒黎share，唔夠香脆入味。平心而論，d扒用料係較坊間餐廳為靚，但味道卻略為遜色。
![樂意扒房的相片 - 灣仔)]()
一般
![一般 - 灣仔的樂意扒房)]( "一般 一般")
一般
餐後甜品係朱古心夾心切餅，朱古力味唔夠突出，但夠滑夠creamy；熱檸茶茶味濃郁而不苦澀，最啱飯後飲一杯消濟。
![樂意扒房的相片 - 灣仔)]()
整體黎講，呢度午餐尚算OK，晚餐就可免則免了，因為價錢超貴﹗聽聞同款菜式，晚餐可能係午餐的3至4倍﹗雖然用料係會再靚d，但選擇多的是，何必呢？
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
