昂平360 (1)

今個星期無約到行山, 幾個朋友都腳痛.  見到人地既攝影手記先記起自己仲未去昂平360.  難得呢幾日天氣好, 應該會晴朗, 可以影到景; 估計亦唔會太大風, 吊車會安全掛

一早起身望見窗外既煙霞, 都心大心細好唔好去.   最後都係去咗.  係吊車站望向東涌, 都幾靚呀

我地打算搭吊車上去, 行樓梯落來.

海倫驚人多無去.    我地都排咗30分鐘呀.  條隊就係細細既地方不停轉來轉去, 往前轉移.

每邊坐5位乘客, 都好迫啊   仲有企位 

我係最後一個上車, 一邊坐咗4人後, 好似無多余位俾我坐.  我都諗咗一陣點算好, 最後都要迫入去坐

出發啦

吓, 都幾嚇人呀, 咁仲點可以有企位

機場個邊, 可惜煙霧處處, 點影相呀

太陽透過玻璃窗, 令上半身熱, 而 pat pat 後就有個通風位, 吹住身後面, 冷熱夾攻, 攪到我頗難受.   大家又迫埋坐, 我都無晒心機另轉頭影相.

呢條就係我地原本打算回來行既樓梯, 不過我地都忘記帶行山裝備, 連揸太陽油都忘了.   見到咁長, 又無遮蔭既路, 又感到身子軟弱, 都要放棄行程 lu