梧桐石澗1

最近約咗幾次行山, 因天氣關係都約唔成.  雖然早幾日大家都話星期六要行, 不過呢幾日大家都忙, 人又攰, 結果我都係臨出發前一晚, 才開始找資料.  皇阿瑪想去d刺激d既地方, 大家又擔心治安問題.  搜查其間我都發現我地上次行既元荃古道去年都出過事     http://www.hk-pub.com/forum/thread-90 7594-1-1 .html.  

好難選擇啊!!!  皇阿瑪琴晚都成10點幾先收工, 我只好獨力搜查.

 

從米 處選了去梧桐石澗,  記得以前曾經睇過阿添既相,  不過唔知地點係邊.  原來都唔難去.  我地約咗係大埔墟火車站集合, 先食lunch.  再坐64k巴士去梧桐寨.  途經許願樹, 我地原來都無人去過許願樹啊!!!  棵許願樹要靠其他嘢撐住,  好可憐啊!!!

 

入口好近梧桐寨巴士站.  跟住萬德苑個牌.  一落車就有一班人都係去同一目的地.  可以跟佢地行.  我之前print咗人地既行程, 都唔駛用lu.

http://hk.geocities.com/outdoor1997/NgTung.htm

http://blog.pixnet.net/weikewpy/post/10330492

http://hk.myblog.yahoo.com/van_nistelrooy/article?mid=1367

地圖:http://www.hike-x.com/hiking07.htm

 

... 開始有分叉路, 我只係向上看, 點解有個豪宅既牌  隔離個牌係去梧桐寨.  路上都有d別墅.

大家千奇唔好只係睇上面既牌, 其實係要跟住下面既牌

好多呢d咁大塊葉

開頭個段係車路, 仲諗住全程好似道風山咁易行

個 mailbox好歐式啊. 

又有2條路, 上面條路去萬德苑先啱, 前面個班人點解行咗下面.

行行下仲唔見咗前面班人, 跟住聽到佢地係上面叫, 原來前面有路上返上面. 

前面就進入萬德苑範圍.  見到有人跑落來, 心諗佢真係好氣, 離開個陣攰到先知跑落俾行落來好好多.

一路都有桃花

仲有白色既櫻花啊, 唔駛去日本都有得睇.  聽講廣州都有得睇啊