這間小店只賣9款食物 – 蔥油鹽焗雞、脆皮蒜香雞、蒜香黑椒焗豬手、脆皮焗腩仔、泰式豬頸肉、醬皇紅燒乳鴿、冰鎮鵝掌翼、泰式鳳爪和海哲分蹄。據聞小店頗為馳名，有食客跨區自駕或搭車前來幫襯，門庭若市，價錢由$22 - $88不等。
![新創意小食冷盤專賣店的相片 - 筲箕灣)]()
![新創意小食冷盤專賣店的相片 - 筲箕灣)]()
母親大人最近懶左，不想煮或唔知煮咩時，就會去新創意買隻燻蹄回家當餸菜。今日，懸掛三號風球，我哋這個月第二次食燻蹄了。雖則不太健康，但實在太好味，我哋也就毫無怨言了。 店家會按照客人要求把原隻燻蹄切片，上次切得過厚過大片，故母親今次叫店家幼切薄切。切了片的豬手有點像燻蹄。
$58的焗豬手，份量ok又好食，小妹個人認為頗抵食。小店豬手以多種配料醃製，多重味道融為一體，黑椒味不算突出，只見表皮少量黑椒粒，反而蒜香醬油味蓋過一切，豬手不會像德國鹹豬手般只有強烈鹹香味道，味道較為豐富多變。母親大人用剩下的豬骨來熬湯，令湯水多了一股鹹香味，小弟頗為欣賞，唯小妹卻覺得破壞了湯的原汁原味，不太喜歡。
蒜香黑椒焗豬手 $58
![蒜香黑椒焗豬手 $58 - 筲箕灣的新創意小食冷盤專賣店)]( "蒜香黑椒焗豬手 $58")
蒜香黑椒焗豬手 $58
左手邊一塊賣相頗為吸引，皮與肉近乎分離狀態，肉瘦而鮮且嫩又入味，配合晶瑩爽脆、如啫喱般煙韌而富彈性且入口即化的香口外皮，超讚﹗右手邊一塊則骨膠原豐富，內層有肥膏配合外層綿綿而易於嚼碎的表皮，咀嚼後滲出濃郁、複雜的醃料香。軟腍而帶脂肪的豬手，雖則肥膩但超級好味，簡直教人垂涎三尺﹗
![新創意小食冷盤專賣店的相片 - 筲箕灣)]()
蘸上店家秘製蒜蓉醋醬汁，豬手味道更是惹味無窮﹗
秘製醬汁
![秘製醬汁 - 筲箕灣的新創意小食冷盤專賣店)]( "秘製醬汁")
秘製醬汁
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
