終於返到大城市
![]()
,
廈門俾我想像仲要靚. 當地既導遊係一位後生仔. 廣東話係咁多個導遊最叻係佢.
但用詞語氣就不敢恭維.....話我地唔好用好爛既普通話同當地人講嘢, 無人識聽. 無仔細介紹景點就叫我地參加自費項目 - 遊船河觀金門,
連價錢都唔記得講. 佢既語氣已經吸引唔到人去啦
![]()
我地鄉下既親戚來酒店見我地, 我咁大個人都係第一次見面. 有位細姪女好可愛. 來之前無諗過要準備見面禮. 臨時選了在武夷山買既手信同旺旺餅俾佢, 好彩佢2樣都好鍾意.
我地酒店對住既夜景好靚. 不過等d 親戚走後, d 燈飾都熄晒. 影唔到相
![]()
有d 團友又去咗步行街.
細細個阿爸就話鄉下係山上, 所以在我腦海里返鄉下係要爬山. 阿爸打算第2日自己離團返鄉下, 我地繼續跟團遊廈門. 但諗諗下廈門要來旅遊容易, 返鄉下就唔知幾時再有機會
![]()
. 自己估鼓浪嶼類似星加坡既Sentosa, 應該無乜特別. 於是我決定跟阿爸返鄉下.
堂弟call 咗佢朋友車我地. 我地見車未到, 走咗去睇酒店對住既豪宅. 樓房有成千幾尺, RMB17000 / 平方, 不過走廊好暗, 景對住人地屋企. 客廳同露台好大, 但其他地方就三尖八角, 房間, 廁所同廚房都好細.
![]()
我地跟住先去同安睇堂弟係城市間屋. 10幾年前買RMB1000. / 平方, 宜家要RMB7000. / 平方. 如果個陣買幾層樓, 就發啦!
![]()
lunch堂弟帶我地去一間細餐廳, 阿爸話廈門菜好好食, 估唔到呢間無乜裝修既真係好好食
![]()
炒聖子
估唔到魚肚好脆
![]()
我係不停咁食......
呢碟炸魚都好好味, D 魚好新鮮. 生咗多粒暗粒既我都照食可也
![]()
堂弟叫了好多菜, 本來話未來既菜要打包. 點知最後一碟係我至愛既蠔仔. 比平時食既蠔餅好食好多
![]()
. 未食過呢種煮法. D蠔仔好新鮮, 又唔乾
![]()
飽肚都繼續食!!!
食完無耐細路來電示威, 無諗到團隊去食素既地方超好食
![]()
o....我要再來廈門
![]()
不過媽子話導遊仔又講咗d唔好聽既說話, 例如對客人話你地認真d 聽我講, 我只講一次行程安排...... 如果你地迷路, 唔好找我, 找當地警察點路!?![]()
後生仔, 今時今日咁既服務態度, 唔得啦![]()
感謝小月提供以上資料
個人日誌: http://siuyutravel.blogspot.hk/
