酒店門口d 車好多, 連旅遊巴都入唔到去. 大家都心急馬上自己拉行李入酒店. 酒店服務生才施施然走出來. 大家都唔理個服務生, 自己拖行李走入去.
酒店入面係開放式設計, 雖然叫溫泉大飯店, 酒店並無大溫泉, 只係沖涼水有溫泉水. 領隊提醒我地唔好飲熱既沖涼水. 記得煲水要用涷水, 唔好用熱水. 晚上酒店有幾班婚宴, 酒店既開放式設計令所有房間都好嘈. 雖然話係5星酒店, 我只俾佢3星
![]()
.
http://ww.hshfz.com
阿爸竟然無等我地就自己走咗去超市, 佢一定係仲未飽
![]()
, 晚餐d 嘢都唔好食 細路原先懶得出去, 俾我拉咗去. 阿爸返酒店見我地又去, 叫我地再買多d 嘢食, 聽日去到武夷山未必有好嘢食.
間超級市場好大, 有4層. 結果係係褔州最好既節目
![]()
. 好彩無帶袋出街, 如果唔係又要擺locker. 食物種類繁多, 阿Mad來到實開心死佢
![]()
. 我地又想買奶, 又想買橙汁, 最後都驚飲唔晒而放棄. 結果呢堆嘢我地1, 2 日就食晒
![]()
.
呢盒Glica 紅酒朱古力條好好味呢.
![]()
. 早知買多d.
酒店對面就有間自然美. 旅行前book咗幾次Facial 都無約成. 門口雖然掛住營業中, 但門係鎖上. 入面有2人似係閒談, 唔知係咪已收工. 掙扎一番後都係敲門問. 原來佢地仲未收舖, 只係陣間各人要入房做facial, 無人睇門口才鎖上. 佢地既美容帥已經約滿, 老板娘馬上嚴厲地call 已收工既員工回來, 真唔好意思
![]()
!
2樓facial 房既裝修俾我想像仲要靚, 個spa浴缸都好乾淨. 同香港d 比較都有過之而無不及
![]()
. 連我隔離床位既本地女子都問佢地係邊處買靚靚窗簾
![]()
.
個美容帥既手勢十分好, 1個半鐘RMB$184, 按埋背. 排毒兼滋潤
洗去了多月來的疲憊. 成個旅程都覺得好舒服同乾淨. 感覺十分好.
![]()
同美容帥和隔離床女子閒談中, 佢地問我點解要來褔州, 褔州又無嘢睇, 又無嘢好食, 又上了旅行社的當
![]()
! 隔離床女子有幫自己公司攪旅遊, 佢建議去我唔記得係太原定係呢個泰寧湖
http://www.fjta.gov.cn/FJTIS/VisitFJ/Destination/TravelAgencyRouteDetali.aspx?cityid=1&id=869&MT_ID=1299
http://big5.ctrip.com/Community/Route_sugg/Show_sugg.asp?writing=1629533
佢仲有推薦浙江既橫店, 仲話武夷山應該係4, 5, 9月來, 宜家水唔多, 坐竹筏會好凍
![]()
. 個女子既說話聲調用詞都好吸引人聽, 大家都覺得佢似導遊. 個女子今年25歲
, 準備結婚, 佢未婚夫仲要佢做facial都管接管送, 真羨慕
![]()
返到酒店電視做緊超級明星臉, 參賽者勁似劉德華, 謝霆锋, 任賢齊同周杰倫
![]()
.
第 2 日唔駛咁早起身, 因為今日要坐6, 7 個鐘車去武夷山
![]()
. 高速公路未完全起好, 將來起好後只需4個鐘左右......這晚可以瞓足8個鐘
![]()
. 離開褔州前仲有2個小景點 - 開元寺, 于山風景區榕樹多. 有d 團友昨晚搭的去步行街行, 話同女人街差唔多.
可惜天公不做美, 落咗好大雨. 鞋都濕晒. 無襪換冰凍咗一日. 希望聽日到武夷山唔好再落雨
![]()
原來武夷山都有個小機場, sigh...其實四日團直飛武夷山就唔駛晒時間啦! 武夷山仲要離江西近d, 我地既路線係咪攪錯晒
![]()
路途中經過一些小村, 更感概大陸窮人仍好多. 人民幣升值, 通貨澎漲真會害死我們會忽視的一群
![]()
終於到咗我地既3星酒店. ok la....係該區最多房既酒店, 宜家既空置率當然係相當高! 酒店對面就係武夷山機場
今晚唯一既節目就係行酒店入面既街仔. 間間舖都賣同樣既嘢 - 茶葉又茶葉
![]()
. 好彩都有supermarket. 當地既飯菜麻麻, 連白飯都有栗米味. 好少肉類, 每餐起碼有3碟清菜, 一碟蒸水蛋, 一碗無乜料既滾湯. 我地仲買定雨褸 (貴既RMB$4, 薄d 既RMB$2) 同鞋套 (RMB$1 /PAIR) 聽日坐竹筏用. 貴既都易爛. 阿爸仲買咗支糯米酒試, 都幾好.
![]()
感謝小月提供以上資料
個人日誌: http://siuyutravel.blogspot.hk/
