【Passion】愛上法式麵包

2012 - 8 - 27
本來尋日同老公黎過，點知勁多人，所以走去後面街食金鳳，今日係星期一，個個都返工，今日黎實有位啦！哈哈！不出我所料，雖然鋪頭入面都係人來人往，非常多人黎買麵包。
今日我同老公黎到灣仔最近新開既「Passion by Gérard Dubois」，灣仔地鐵站一出行一陣就到，老公陪我食完就要返公司做野喇！！哈哈！！好開心佢肯陪我，因為佢麻麻地食麵包，食車仔麵又或者麵線之類就最岩佢

我地去到個陣大約12:00，坐低無耐開始多人，可能lunch time，可惜坐既地方唔多，買走既人會比較多

好多新鮮麵包出爐。。。

如果要買經典法國長棍麵包要等10am / 3:00pm 先會出爐架。。。

仲有我地最愛既甜品！！！！簡直想帶哂返屋企同家人分享下次要試lemon tart

D 甜品個樣靚之餘，味道都好OK ！有內涵架

唔少得既梗係麵包啦！！我同老公各order 左份，最後係食唔哂既貪心之過。。。

D 蛋批都好靚，我未食過，下次會去再試。

叫左個smoked salmon salad 大愛！！！我最鐘意食鬼佬生菜，爽脆清甜，煙三文魚都好好味！一定要食呢個！推介！

Billy 既 Le Parisien Sandwich ，傳統既法式麵包，外脆，入面係cheese 同法國白火腿（飲食男女說的），好味！

呢D 果汁都係佢架喇～黎呢度梗係飲coffee啦！傻仔！

聰明又愛咖啡既我哈哈！！！！點左杯latte，機出的，but is ok la

我人生三大愛：咖啡、壽司、辣野 偏偏就知呢三樣生BABY係唔落得肚架！我一唸起就有D DOWN，到時billy唔知會點整惑我，俾我望到食唔到個D低能手段，佢至在行（打出黎我已經嬲嬲地。。。雖然都未有耐！哈哈）

仲有我既TUNA CHEESE SANDWICH ！只可以講食左半份已經好飽，我要留肚食甜品，帶半件返去俾奶奶大人食先，呢份sandwich 好香，外面焗到香脆，而且TUNA mix左洋蔥好好味，我覺得好正！