【感受不一樣的紅磡】海逸君綽．C+ Bar & Cuisine

2012 - 8 -22
YEAH ! 大家可能會好奇。。。好地地搞咩會去酒店住一晚？？哈哈哈！咁就梗係免費先住一晚啦！因為我地結婚個時TRC送一晚酒店房，我地真係等到到期先黎住，原本過幾日我生日，點知老公話BOOK唔到房，睇返先知D奧運團隊黎香港都係住呢間，難怪無房啦！早左幾日住晚都無所謂啦！
老公好叻可以拎到upgrade sea view

大就真係好大。。。但好OLDSCHOOL 但係個海景真係好一流

間房咁多櫃

五星酒店。。。我唸呢度有廿年無裝修不過都係乾淨，舒服既。。。

簡單佈置

我同老公一直係度講D位好浪費。。。無哂空間感

MR WAN。。。。

check完房我地上左去最高既頂樓泳池swimming，最正真係個泳池，可惜無帶電話，又費時拎。不過真係好正，望住個海係度浸下水，但個池係我住過既酒店最細既一個，香港地價真係泳池都上天台。。。

返到房沖完涼真係要HEA下，訓下教先。。。
訓醒有酒店送既白酒

總共送左兩次水果，呢D真係服務錢！！！

入夜開哂燈間房有D HOME FEEL。。。

訓醒出發去食dinner 。。。

我地黎到位於崇潔街既 C+ Bar & Cuisine ，就咁行成20分鐘。。。遠到呢～～老公話有小巴坐架！！當行下拍下拖囉
C+ Bar & Cuisine 一入去好帶格調，以藍色為主色，不過我覺得好難影到相。。。好暗

我地兩個人叫左set dinner，絕對夠食！
牛油果鮮蝦柚子沙律，成個沙律都好好味，清新得黎夠醒胃！十分讚

餐湯ORDER 西洋菜湯，旁邊既包好香脆

蟹肉意大利飯，十分之「留」。。。好creamy，好香，好好食！

仲有個燒羊架。。。我同老公都好鐘意食羊架！燒得好香，配底既薯蓉都好出色，不過已經好飽

老公的Cappuccino ，以為普通，但都好香濃！

最後仲有個甜品，呢度好出名既火焰雪山，倒上橙酒點火，雪白中有點焦焦，裡面有雪糕球，有冷有熱非常有
趣！

兩公婆影下相先。。。

C+ Bar & Cuisine紅磡崇潔街25號地下

食飽飽就返酒店。。。黃埔真係好方便，自從老公轉左公司之後，我都好耐無黎呢邊喇。。。真係懷念以前等佢放工既日子，因為我會去吉之島HEA足半日！哈哈！

一訓醒，要返工，不過見到呢個景真係咩都醒唒！心情大好！我仲望住個海望到唔想返工。。。

影張相先返工，好開心呀！！！！老公仲可以繼續訓，真幸福