要訓喇! 明天再打!睇住相先~~
繼續先。。。
話說我地食完TEA就坐返架船係
Saphan Taksin,打算坐的士去CHINA TOWN
點知無車肯載我地,唔係我地樣衰
不過就真係唔知點解囉!
又唔係特別近,反正無車載,我地本住就係附近就決定行,行到咁上下見到好多黃色旗仔,我上次黎過呢度係唐人街,
但問題係到底我地要去既「林真香」泰文叫〔又話賴〕
其實我地唔知道,所以上網影張相,俾林真香佢地望,幫下我地搵路
點知。。。俾人點到頭都大
搵搵下仲落大雨。。。
我同coey心情差爆!有位好心人叫我地坐的士去啦,都幾遠架
點解之前d人又話前面係,我地等了又等,就跑上左的士,落大雨個個都爭住坐
仲要無價講,俾人開價(當時已經上左車
)150b,是旦啦!
不過司機都好好,車我地去7-11落車買把遮,再行前少少就係「林真香」
去到林真香,我地兩個二話不說買買買。。。
買完快快手又上的士返酒店!
返到香港有朋友講我知。。。siam個邊原來有分店!
心情差爆既我地,因為食唔到afternoon tea,再落大雨後返酒店HEA左陣沖個涼就出發去搵食喇
我地去左ASOK既 Terminal 21 商場度行街,一出BTS就到, 呢個商場算新既,
以機場為主題,每層有不同既景點可以影相,每層都代表不同國家,
D廁所都好靚架,不過我地無去過,去泰國既朋友不彷去呢度影返轉!
我地去到CHINA個層搵食。。。
泰國好出名既MAMA麵「YUM SAAP」,姐係我係BIG C掃個隻麵,原來有專門店,就係食呢隻麵
看似普通,但其實都幾好味!而且好多地方有分店,可以去試下!
有得食心情大好
個辣肉碎MAMA麵好好味!通菜係油左D,但都好食,仲係泰式海鮮炒河都係好好味!
雖然食麵但都已經好滿足喇!而且好平,平到我地唔記得價錢!
食飽飽就行街喇!呢層係London
之後Tokyo,又真係幾靚,又有得行街又有得影相,我地足足係度留左兩個幾三個鍾呀!
哈哈 好趣緻既電話套
係度見到小雲
呢隻大根好可愛,好想帶返屋企
點知間鋪無開。。。
好少影到合照!今個trip好開心呀,可以同好朋友去旅行,又可以瘋狂行街真係好爽呀!
呢度係最底層,個background好colourful
行完就快閃去下個shopping mall 就係SIAM PARAGON
一去到差不多九點,咩SIAM CENTER好似關哂門,行到去
SIAM PARAGON 好似無咩行,
行行下我先記得呢度要行FOOD COURT
YEAH!搵到我地要既krispy kreme冬甩喇~
一人一個,我最愛原味
行個轉,本來想買榴槤點知賣哂
買住個MANGO先,好似 100B,好甜呀!
話說行到SUPERMARKET買唔到榴槤,恨食到傻既我地,即刻坐的士去BIG C睇下有無得買啦!
點知去到
BIG C 都係無,幸好我記得門口有檔阿婆榴槤
好香呀!!!買到之後好開心!仲好甜添
我地仲買左好多宵夜返酒店食。。。真係飽到反艇
魚旦粉
食飽飽就執行李喇!聽日要返香港
首先香港人既必影既相就係手信相喇!
哈哈哈!真係好多,執完就唸。。。聽日點拎
係ASIA HERB買既藥草球
每次去BOOT必買既磨砂,右邊第二支既BODY LOTION好香架!
而最右邊個支係身體有暗瘖既人沖涼用既,朋友叫買,我無用過
林真香手信~~真係最好味!
係泰國食左咁多熱氣野。。。COEY要我一齊飲返杯「清熱酷」解解熱!
CHEER~~~~