![]()
其實小妹不常食自助餐，因本身食量唔大，往往覺得食得少唔著數! 不過更來見到位於沙田帝都酒店旗下的「2+2 café」的自助餐主題「任食龍蝦生蠔自助晚餐」，收費唔貴之餘，仲有任食龍蝦及一系列龍蝦所製既美食，真係諗起都想食，便立即訂位。
記住下載埋Openrice所提供既優惠卷，訂全時段仲可以享有75折，除返開每位都係$403，可以食足五個鐘。
![]()
價目表
![]()
![]()
![]()
![]()
![]()
可能由於星期一既關係，人流唔多多，所以拎野食方面都相當輕鬆，唔使排隊，環境都十分舒服不覺嘈吵。
![]()
一坐下先入杯新鮮即榨橙汁，唔好意思要更正返，飲品係另叫唔包的。
冷盤海鮮方面有波士頓龍蝦、長腳蟹、翡翠螺、蝦、青口。
![]()
當然仲有來自美國的生蠔，每人每次限拎三隻，S先生話食落新鮮，不過唔重海水味，食味還可以。
![]()
![]()
![]()
刺身及壽司類
刺身有北寄貝、三文魚、鯛魚、八爪魚及吞拿魚等，而且都切得頗厚身。
小妹一向都比較鍾意食熱既海鮮，所以見到出面串燒檔燒緊龍蝦、扇貝和串燒等真係超吸引。
![]()
燒扇貝
塗上牛油之外，也放了大量蒜蓉，食落相當滋味，燒得不錯，質感爽口，小妹都食左好多隻!
![]()
![]()
燒波士頓龍蝦
感覺比凍食更美味，燒後仍能鎖住肉汁，頗鮮甜呢。而且用叉一吉就能整條起肉，食落啖啖肉，相當方便。
![]()
![]()
再來係燒火雞及澳洲肉眼牛排，兩者都不過不失。
![]()
![]()
天婦羅區，原來呢度既炸蝦天婦羅係用上龍蝦用炸的，蝦肉食落很彈牙，比平時的來得有驚喜!
![]()
再來係即煮意大利飯及海龍皇湯既檔口，我地叫左個「龍蝦松露意大利飯」及「海龍皇湯」。
龍蝦松露意大利飯
飯粒煮得夠軟糯，材料有龍蝦肉和魷魚等，不過松露味卻不太突出。而且S先生一直在旁邊等佢煮，負責煮飯個位姐姐煮完都唔出聲，就咁放埋一邊，要出聲問先話係我地既，真係無奈。
海龍皇湯
由於唔使續碗煮，所以可以即刻比到我地，龍蝦湯味道好濃郁，入面仲放左不少龍蝦肉，好足料實在，好味。
最後黎到甜品時間，這裡既甜品款式就比較普通。
![]()
每樣都黎一件吧，
賣相和味道只屬一般，唔太吸引，仍有大大的進步空間。
由於甜品區唔夠滿足，所以就去左食幾球Haagen Dazs雪糕，我們要了抹茶、士多啤梨、芒果及黑芝麻。
由於剩係食上述美食都可以食到好飽，所以都無點拎到熱葷黎食，所以就不作介紹嚕。
2+2 café
地址: 沙田白鶴汀街8號帝都酒店3樓
(港鐵沙田站 A3 出口)
電話: 2694 3886
營業時間: 星期一至日: 06:00-00:00
================================
(喜歡的，請按讚支持，是給我很大的鼓勵啊 ![]()
)
============================================
感謝 糖小妹 提供以上資料
糖小妹的網誌: http://concon2016.blogspot.hk/
============================================
2+2 Cafe
Italian Tomato Café (馬鞍山店)
如心銅鑼灣海景酒店口
Corner 18
Café Circles
MoMo Café (西環店)
大灣咖啡廳
G-fit