位置其實唔算難搵，就係觀塘地鐵站馬會出口直行就到。(但唔知點解我同S先生搵黎搵去都搵唔到入口..汗)
上到去其實沒什麼裝潢設計，就用玻璃間開左兩個玻璃房，放左幾個座位，而且享用雞鍋同燒烤時會有點熱。
據說餐廳係由一對夫妻所開設，男老闆係韓國人，女的係香港人，由於人手唔多，所以繁忙時間真係要親力親為一腳踢。
不過呢度既前菜係任食，食完可以再添加，而且有成約十款前菜，小妹就至愛那醃菠菜呢，咬落爽脆，又有芝麻香，好味!
當然仲有冷/熱麥茶供應。
餐牌雖然只有幾頁，但款式頗多，價錢唔算貴。
人蔘雞鍋 $250
據說這人蔘雞鍋需預先滾上半小時才享用，看到內裡還頗足料的，大量人蔘、雞、菜和年糕等。
雞肉食落不算很嫩滑，而且人蔘味不太出，但明明就見到人蔘份量滿多的，可能滾得未夠吧!? 幸好湯頭還是頗鮮甜的。
接近食完後，再將韓式粉絲加入去煮，粉絲吸了湯頭的味道，滑嘟嘟的頗好味!
壽司 $35
韓國家庭式的飯卷，簡簡單單已很不錯。
醬油蟹 $150/隻 (需提前4天預訂)
同場有兩碟醬油蟹，但小妹覺得我這碟的蟹膏唔夠多，而且未算入味。不過把白飯配上這蟹膏係幾好味既，而且蟹肉頗甜，還不錯。
泡菜豬肉拌冷麵 $75
材料有蘿蔔絲、泡菜、芽菜、菠菜和豬肉等，再把韓式辣醬倒落去拌勻便可，食落微辣，幾滋味的!
烤泡菜五花肉 $120
半肥瘦的五花肉，燒完後把泡菜放在一起食，唔使沾醬汁已經好夠味!
烤大蝦 $120
店員先把預先準備的醬汁拎去煮，那醬汁裡有紅椒絲、洋蔥、和年糕等。其後再將新鮮開邊大蝦放在醬汁上燒熟，大蝦肉質爽彈，配上這惹味非常，帶點微辣的醬汁，超惹味呢!
火星料理 Mars Menu
地址: 觀塘開源道54號豐利中心5樓507室
電話: 2562 9322
營業時間:
星期一至六: 11:30-21:30
星期日休息
(醬油蟹需提前4天預訂)
================================
(喜歡的，請按讚支持，是給我很大的鼓勵啊 ![]()
)
火星料理
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)