天寒地凍既晚上梗係選擇打邊爐，齊齊烚烚下真開心。近黎推出頗多不同款式的火鍋湯底，而最吸引小妹的就係「米走雞」既芝士雞煲。初時聽到用「芝士」做膽既雞煲令人感覺好肥又好膩，但有朋友試過後話此雞煲滿有驚喜，而且唔膩，立即相約友人試試，試後果然甚是，其後更再相約同事去再幫襯呢。
「米走雞」位於長沙灣地鐵站B出口行約五分鐘，店子的座位不多，兩次約八點的時間都座無虛席。除了「黃金芝士雞煲」外，店子也有供應「火焰麻辣雞煲」，愛辣愛芝士任君選擇。
店內環境
而「黃金芝士雞煲」可選擇要大或小煲的，大的$168，小$128；其實2~3人要一個小的都夠食，因為之後會點其他火鍋材料來個芝士火鍋嘛。
火鍋材料一般大路的都有，芝士專區更推介那些配料與芝士雞煲較為合適，像出前一丁、娃娃菜、響鈴、蜂巢冰豆腐和魚歡喜等，便與芝士相配合。而且像蔬菜和丸類都可選擇要半份呢，真的很貼心，這樣便可多試幾款啦。
黃金芝士雞煲 $128(小)
芝士雞煲內放了中芹和洋蔥這些配料，半隻雞的份量也不少，每件爆至金黃色的雞肉也沾上金黃色的芝士，而且食落濃不膩，雞肉也頗嫩滑，食完唔會滯到唔想食其他配料。
食至咁上下，店員會主動過黎加湯便可以開始打邊爐嚕，據說湯底有加入芝士膽，令再加入豬/魚/雞等熬製而成，但係愈後期芝士味便愈淡，這時便可以再點些芝士加進去。
響鈴$38 和出前一丁$12 確實係芝士的好朋友，兩者都吸收了濃濃的芝士汁，食落超惹味。
魚歡喜 (墨魚滑) $68
據說係店子每日新鮮手打再製成魚的樣子，看上去有點像新年的魚形年糕呢!
墨魚滑很爽彈，墨魚味濃，與同事們都超愛呢，這個價錢絕對抵食。
蜂巢冰豆腐 $35
同樣吸收了湯汁的冰豆腐，夾起不會散散的，充滿著豆腐香，好味。
特級雪花肥牛 $138 (圖片上已食了一半)
這個肥牛的脂肪位很多，而且牛味一般。
整得一讚是店員十分好，常常來幫忙加湯啊。不過第二次幫襯時卻漏單漏了數樣配料，要注意一下。
米走雞 Running Chicken
地址: 長沙灣青山道383號地舖
電話: 2813 8522
營業時間: 星期一至日: 11:00-23:00
================================
(喜歡的，請按讚支持，是給我很大的鼓勵啊 ![]()
)
============================================
感謝 糖小妹 提供以上資料
糖小妹的網誌: http://concon2016.blogspot.hk/
============================================
