平安夜, 老闆話放12點, 跟住再連續放2日喎! 真係一件開心事。印象中除了年30晚, 都好少何放半天架~!! 之後決定和同事去食個lunch先, 去禧利街個頭, 本身想試298餐廳, 但原來要夜晚先開! 所以就轉去食泰妃雞, 望落門面都好似幾好咁。
一到步便被安排坐近門口位, 看看餐牌後, 這裡的招牌菜應該是海南雞飯吧?! 所以我們三個都決定要海南雞飯。
之後被不禮貌對待的事件便來了: 首先同事揚揚手準備落單, 剛好聽到後面傳來一句: 「得得得, 等等啦。」由於坐近門口位 (打直的桌子), 同事的坐位是背著侍應們的, 所以我地都唔知個店員句野係同我地講, 便繼續舉手。之後個店員竟然好大聲話: 「都話得喇, 仲舉咩手呀?」嘩..呢一幕真係睇到我地O晒咀...使唔使咁惡死呢? 個時又唔係多人, 你話忙得滯咁既態度都仲可以體諒姐, 都唔知有冇搞錯, 原來可以咁樣大聲喝客人。不過同事話平安夜心情大好, 唔同佢計, 所以我地繼續食!
海南雞飯+凍檸茶 ($47), 先吃油飯, 感覺普通, 當中的飯有痴埋一舊舊, 我叫佢做"飯餅", 因為一餅野咁, 而評它為唔合格。油飯惹味的情度更較為遜色, 沒有想一口接一口的感覺, 失望。幸好, 此油飯沒有令人感覺愈食愈油膩, 算是優點吧!? 海南雞, 雞肉已去骨, 雞皮與雞肉之間的脂肪薄薄的, 食落滿嫩滑。
不過對此店感覺始終不太好, 侍應們臉上一點笑容都沒有, 加上服務態度一般, 看來長時間都不會再幫襯了!
地址 : 上環禧利街17-19號地下
電話 : 2851 3311
============================================
感謝 糖小妹 提供以上資料
糖小妹的網誌: http://concon2016.blogspot.hk/
============================================
泰妃雞 (上環店)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)