我和芒果有個約會
唔好意思, 我都係以佢為先!
菲律賓呂宋芒果, 愛芒果0既朋友, 無可能唔識佢, 真係
又愛又恨, 無辦法 ! 最like ! 5月至9 月都合時令 ! 都係夏天
水果寵兒 !
以下純粹個人喜好, 好不同見解, 請勿見怪 !
我諗唔係淨係我, 好多人都迷戀芒果0既朋友, 都勁鍾意食,
佢迷人地方, 大家都知, 又香, 又甜, 又多汁, 又美味 !
印度芒果, 聽聞係超好味0既芒果, 佢真係勁甜, 一丁點
酸都沒有, 但是我覺得總有部份人事喜歡, 我食呢d 芒果0既
時候係7月頭, 但是原來話佢最好味0既時間已經過咗,
係4月中, 呵呵, 真係唔好彩啊 ! 我本人覺得只有甜,
芒果味不足 ! 可能係時間上, 又可能係個人口味!
以下呢款印尼芒果, 樣貎和呂未芒相近, 底部圓少少, 其實好似樣,
有7至8成像, 聞落仲好香添, 不過一食就呃唔到人喇 ! 同埋如果你係
芒果0既 Fans 先認得出唔同, 因為真係好似樣, 但味道就完全唔
一樣, 味道似泰國芒類型, 有少少草青味 ! 都係得個甜字 ! 但
相比印度芒, 佢就好似近磅d ! 呢款於8份時試味 !
以下呢款係超巿7月尾0既時候見到我未買過新款芒果, 對我黎講, 又想試 !
個名叫桂十芒果, 樣貎娟好, 但是超難食, 酸到顚, 又無芒果味,
真係估佢唔到, 皮又厚, 唉, 邊有咁難食架! 真係好眉好貎 !
以下呢款11月尾時段, 試食咗呢款越南芒果, 酸酸甜甜, 雖然無
呂宋芒0既芒果味, 但佢又無乜臭青草味, 都 o k 架 !
但係佢個樣青青黃黃咁, 我梗係揀d 漏汁出黎個d 啦 !
有d 痴立立汁流出黎個d 呢, 穩陣d 嘛 !有少少似象牙芒 !
跟住呢款係泰國嘅彩虹芒,肉質滑溜,好甜,要
揀d 帶有少少黃會好食d, 會更甜, 甜而不溜, 太青都
係少少酸, 無咁滑。
角芒, 多水又多汁, 甜得黎會有微酸, 好爽口, 都幾
好食, 無臭青味 !
泰國水仙芒, 呢款比較容易買到, 普通街巿, 印尼舖頭, 同泰國
食品舖頭都有, 都常會見到有得賣 !
味道清甜, 清香, 肉質淡黃, 用作炒餸也非常適合 !
泰國碧玉水仙芒
清甜肉質比呂宋芒實!
泰國皇帝芒
呢款芒果, 係生果店都常 見, 所以大家都會好
容易會找到 !
泰國皇妃芒
肉身好實在, 還有淡淡好像椰子香味, 食咗會
唔會變皇妃呢 .
墨西哥湯義芒果
泰國蘋果芒
最大型的品種,皮色綠中帶微紅,質感較粗糙, 無咁滑溜 !
澳洲蘋果芒
有一股像蘭花味道, 六、七月係佢
盛產期, 比較林身, 超多汁, 屬甜類 !
台灣蘋果芒
有一股像蘭花味道, 七、八月係佢
盛產期, 比較林身, 屬甜類 !
巴基斯坦芒果
噢, 本人認為, 比印度芒更加缺乏芒果味道,
唔知我係咪又係唔適當時候食唔適當0既野呢 !
食時係5月尾 , 印度芒好食佢幾倍 ! 救命, 我本
人覺得很難食 !
豬腰芒
體積細小, 多汁薄核, 但係好甜, 好香, 當造期
比呂宋芒短, 4 - 6 月食最正, 肥嘟嘟, 漲卜卜 !
有分白花腰芒及紅花腰芒兩種, 白花腰芒來自菲律賓, 比較香甜,
紅花腰芒來自大陸, 價錢比較經濟!
台灣蜜文芒
肉爽清香, 味道就比較清淡, 鍾
意濃郁芒果味就可能滿足唔到喇 !
台灣愛文芒
芒果外皮呈紅色,台灣人愛稱它為「蘋果芒」,帶淡淡
芳香之餘,味道清甜不會太酸。
台灣金煌芒
香甜多汁, 肉質同呂宋芒都相近, 我食覺得好好味喎, 食得過 !
台灣水仙芒
比一般芒果都係清甜類0既族長.
宮崎完熟芒
價錢比較貴, 未試 ! 哈哈 !
原來芒果有防乳癌功效啊 ! 犀利 !
http://hk.apple.nextmedia.com/realtime/china/20150725/54011934?top=4h
溫馨提示
有些人對芒果有過敏性,尤其是果皮附近0.5cm處的果肉。多數是在
吃芒果的時候皮膚接觸到芒果的汁液,導致嘴唇紅腫,乾裂,有些還會
會在耳朵,脖子等處也出現紅腫疼痛等癥狀。為避免或減輕過敏癥狀,
可以將芒果切成小塊,用牙籤或叉子食用,避免芒果汁液接觸表皮。
我的專頁及網誌
https://www.facebook.com/conconkitchen
http://connieblogkitchen.blogspot.hk/2015/07/blog-post_30.html