(Day 24) 2014-11-24
住宿：Hotel Don Luis
行程：Cancun —> Valladolid
瞓到約1000時自然醒，起床後離開Motel。諗住沿前往奇琴伊察嘅180D Highway搵食，點知⋯ 當離開Cancun範圍後就四野無人，更加無得食!
開車至公路收費亭，才見一間小食店。原來是旅客中心，專推銷奇琴伊察套票，即門票+導遊+餐飲。我直覺覺得這些套票一定無著數，加上為求彈性我當然無買啦！小食店只得飲品同零食，唔啱醫肚。
![]() |
| 尋晚我住30號! |
![]() |
| 陪我走本行程最後一段路嘅車 |
![]() |
| 180D公路要收費的 |
經過兩個多小時車程，到達一個較接近奇琴伊察的大城鎮Valladolid。剛進入城鎮範圍，一落車就感到又熱又餓，係城鎮邊緣搵到一間地道小館開餐。眼見地道食物（相信係Elote）製作中，佢話需時幾個小時，要今晚先食得。喺饑不擇食嘅情況下，叫咗碗掠水雞湯，成$55peso一碗（$27-HKD）。
後來亂逛時先知這小鎮嘅物價比墨西哥城平好多！剛才嘅地道小店果然又是一間「謀人寺」。
搵住宿時，有平到$100-200peso，但清潔程度一般、無空調，又要共用廁所；有貴到$600-800peso，有泳池同埋包早餐，不過喺小鎮無謂咁奢侈。最後搵到間滿意住宿$450-peso($230-HKD)，好似烏溪沙、北潭涌渡假村嘅格局，有專用停車場。房內有兩張大床，仲有濃郁臭丸味，哈哈。放低行李就出去再搵嘢食。
於酒店大堂取了地圖，職員亦作出簡單介紹。出到去我地都係求其向一個方向前行，可能正午天氣炎熱，路人很少。行到一個似整車、雜貨、賣五金嘅區域，完全見唔到有餐廳，後來見有便利店門口有熱狗套餐，當然即刻走入去食啦！有用餐區，可以坐低慢慢食。自助熱狗$10-HKD、可樂$3-HKD，仲食埋雪糕Tim！（港女按：便利店內見到超大型墨西哥啤酒，價錢非常便宜，相信銀爸銀媽見到會好開心。此外，唔知「自助熱狗吧」喺香港行唔行得通呢？大家可以思考吓。）
@1500
![]() |
| 路經一個教堂 |
食飽飽離開便利店，溫度無咁熱，繼續周圍逛吓。行到去Museum San Roque，是超小型免費入場博物館。館內講述馬雅文明及當地發展，由港女「估」西班牙文理解。及後去到市內的一個洞穴景點Cenote Zaci，每人入場費$25-peso 。剛啱有好多亞洲面孔嘅tour到達，因為唔想同人逼，所以無入去。只是喺位於洞穴景點嘅市集行咗個圈，幾經格價就喺其中一間紀念品店買了一個瑪雅石製月曆，但原來我地買得太早了。
於是向住宿的另一個方向行，行到一個大廣場Parque Francisco Cantón。廣場中間有個大公園，公園內D櫈設計得好得意，方便兩個人面對面傾偈，唔想傾又有自己空間~ 圍繞廣場有大量食肆、紀念品店、教堂、ATM等等⋯ 原來呢度先係中心區域！於是係廣場角落的一間較高級嘅餐廳Las Campanas食晚飯，叫咗沙律、牛扒、啤酒等等，埋單約$200-HKD。一坐低就有盤tortilla連同辣醬送上，想慳嘅其實叫返杯嘢飲就夠，餐廳內有個亞洲青年就係咁樣。本來想等in house歌手表演，但等極都等唔到。
飯後繼續於廣場一帶遊覽，廣場旁有個旅遊中心，攞了地圖及詢問一些旅遊資訊。於同一座建築物，即City hall 二樓有一個畫廊，以幾幅大型畫作，講述墨西哥歷史，露台仲擁有超靚景觀，影咗好多相。離開時見到一班當地人喺花園練跳舞，有老有嫩，喺香港比較少見。
![]() |
| City Hall |
![]() |
| City Hall露台景觀 |
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
