7 [親子餐廳] 屯門 V City 薯蛋頭先生主題 Café Mr. Potato Head Café

今日同大家分享的這間親子餐廳

係位於屯門V City的薯蛋頭先生主題餐廳

雖然佢喺Toy Story唔係主角,

但係風頭都唔輸蝕得過巴斯胡迪架...





我哋大約6:30去到V City

喺D出口直入V City

一直靠右行, 見到adidas落扶手電梯去L1

一落扶手電梯就見到龍尾...好多人呀

我哋破天荒地居然排起隊上嚟!

媽咪排住隊既時侯我就同Hysan行前去影吓相


門口係一個賣薯蛋頭精品的地方

賣的都係些匙扣, 玩具, 公仔等!


收銀處都充滿住薯蛋頭先生太太

從門口影入去餐廳內

看見坐位都唔係太逼

滿有空間感, 坐得舒服!

大家都可以將BB車放進餐廳內
於門口位置拎咗著餐牌睇定食咩先

價錢都略貴!

一碟飯都要過$100

漢堡或熱狗餐都要$99


喺門口影番張相先

但係俾芊芊隻手遮住咗

但係又幾靚喎!

排咗半個鐘仲有4-5個喺我哋前面

唔知仲要排幾耐

同芊芊又影吓相先

芊芊特別鍾意薯蛋頭太太喎


差唔多一個鐘

下一個就到我哋喇

可能時間尚早

所以我哋先肯排...

小朋友自得其樂

邊畫畫邊等!

我哋帶埋自己個薯蛋頭玩具嚟玩

我哋仲同排喺我哋後面既家庭熟咗

同人哋家小妹妹玩起來


芊芊就喺度攪攪震!

排咗成粒鐘終於到我哋啦!

裡面放著的餐紙

4張都係唔同

好有心思! 想偷偷地拎番屋企tim...


餐廳的中間有一個小小的遊戲間

放住好多大大小小的公仔

同埋好多薯蛋頭既玩具

同埋其他小朋友玩起上嚟!


拎咗兩隻大大既薯蛋頭先生同太太同芊芊影相!

佢哋坐埋一齊好似差唔多大, 好攪笑!

餐廳周圍的環境

坐我哋隔離的家庭叫我幫佢哋影張相

之後我又拜託番佢哋幫我哋影

呢度真係坐得舒服

餐廳冇為咗做生意

將D枱枱櫈櫈排得密密麻麻

大家可以好自由的行嚟行去影相





等咗5分鐘度

先嚟兩個餐湯

係粟米湯嚟既!

兩個小朋友超鍾意飲

飲哂成碗!

之後嚟咗個mini漢堡餐

有芝士, 有牛肉漢堡, 同埋炸魚柳!

Hysan都食咗兩大個!

============================================

感謝 呀劍萬帥 提供以上資料

呀劍萬帥的網誌: http://kimfamilytravel.blogspot.hk/

============================================