旅行後要拍拍拖 ~ 八月花Dinner + 深水埗買聖誕飾物

20 NOV, 2013

閃左去四日, 留低老公係香港~ 今日就陪下佢, 去拍下拖啦 ! 話說我今日同嫂子去LUNCH時睇中左隻錶, 順道帶小溫子過黎望下啦 ~~ 同埋食我想食好耐既八月花~ 每次打電話去一定無位, 不過WALKIN就一定有, 哈哈 ! 早少少去WALKIN食飯啦~~

最令人期待就係甜品喇~ 哈哈 !

原來都幾大~ 不過好暗~

茶都幾好飲~~

唔識點餸~ 哈哈 ! 無上openrice做功課~ 就亂點一通~~ 呢道好似係芝麻醬伴山藥腐皮~~姐係唯山, 我幾鍾意食~

招牌之一既BB豬~ 好味又好脆既乳豬喔 ! YUMMY 推介 !

阿個姐姐有咩好食, 佢話呢個~~ 好似叫XX脆肉, 我都唔知, 好似好多肉咁, 我地都麻麻地炸野~~

呢個話好出色既脆皮牛坑腩, 最遲上, 已經食飽左~ 好特別~ 不過D肉好"UN"~~

最期待已久既甜品時間到喇 ! 我係香蕉怪~~ 所以叫左香蕉三重奏大愛呀 ! 超超超超好食~ 雲尼拿汁做底, 配香蕉雪糕, 真係有香蕉肉~ 我都打算自己學下整~ 哈哈 !

開心開動

八月花 Jasmine

地址 : 九龍塘達之路80號又一城G層25號舖

( 港鐵 : 九龍塘 C出口 )

食飽飽時間尚早, 去拍拖散下步順便買埋聖誕裝飾先嫂子話我知深水埗有條街好多節日裝飾品賣~~ 早少少去買定, 早D佈置屋企~~ 抵返條數先~ 哈哈哈

我好卜友同朋友仔問我係邊條街, 我識去, 但唔知係咩街 ! 哈哈哈

<< 深水埗Exit B,出口後向前行一個街口後轉右邊成條街都係 >>

去到都夜喇 ! 差唔多收鋪, 我都係補返少少貨仔~ 好多都係用返上年既~ 條子是不少得的~~

好快手咁就買完, 太黑咩都影唔到, 買左盒聖誕樹波波, 大波加N咁多個細波, 點知無繩既 ? 點掛 ? 仲未買到貼牆既雪花, 第二日又閃去買 ! 哈哈哈 ! 繩就去左隔離D賣繩鋪買左一碼金色繩 $25, 我盒波波先$100, 仲要人手自己穿, 真係好想笑自己咁好彩 ! 買齊遲下先放相啦

今日收鑊豐富~ 同嫂子食LUNCH, 順便行陣街又睇岩對平底鞋, 做緊半價, 好抵買 !

一SET 三對~ 又忍唔住買左~ 好靚喔 !

重點 ! 我睇中好耐既錶終於入到手之前SUKI送個隻錶條皮帶已經俾我KO, 今次打算俾鋼錶, 一係好大隻, 一係好奇怪既配色, 好難得好有緣地睇中呢隻錶~~~ 實在太開心~ 我呢款係28mm, 另外有款36mm, 無論喜歡大定細都有得揀~ 實在太good 喇 !