因為係慶典之旅，所以第二日行程都唔算好趕，九點鐘食埋早餐上車準備出發。朝早酒店既早餐都好唔錯，有粉麵食，熱辣辣又飽肚。
大約九點半鐘出車，之後去到七星岩北門，停好旅遊巴。係貨櫃攞返自己部單車，跟住就出發環湖走。
今日就真係好明顯180間單車一齊出發，所以真係塞車入門口。不過我又攪到係最尾嗰班人，再加上見到大家影相，我又影埋一份，到我開始起行時，我既團友已經唔見咗，所以我完全enjoy 一個人影相及聽歌既單車活動。
其實今日好好天，但始終有層霞氣，所以影出嚟都係溕咗少少！
![]()
我記得細細個有嚟過七星岩，但到認知既時候應該已經無再行啦！所以都係當自己第一次遊星湖算！踩吓又停吓，簡直係慢慢踩，完全無唸過追返d隊友。
![]()
今
日條路好踩過噚日，似係香港大埔河踩咁，但就有單車有人係同一條路度。所以要好小心咁避人，同埋唔好踩得太快。整條路20公里，時間都算充足。不過有時係
磚頭路，都係震。而木道一段感覺亦很特別。有時望見湖中間既石林都幾靚，所以又停底影吓相。而中間又經過一個草地，好多人係度放紙鳶，感覺有小小似大埔海
濱公園。
最後我踩到11點半去返起點，上返旅遊巴返酒店。沖完涼，食埋午餐，就坐返車由肇慶出深圳福田。3個半鐘頭車程，6點鐘回福田，完成兩日一夜肇慶單車之旅。
