繼台灣宜蘭踩單車後，再次離開香港到外地踩車。今次第一次報團參加單車旅遊會兩日一夜肇慶之旅，唔知係大陸踩車危唔危險呢？
一早8點半，去到落馬洲口岸，估唔到真係咁多人，好多人都係參加短線旅行團。平時阿媽就係度集合。我哋今次單車團都好多人，有成180人，點好名，跟住帶我哋去停車場上旅遊車。大約9點半鐘齊晒人，5架旅遊車一齊出發。
我哋一開始由深圳出發至高明，大約2個半鐘頭車去到富灣湖酒店。食完午飯，就開始攞車。大家既行李仍然可以放係旅遊巴，輕輕鬆鬆，無拘無束咁踩單車。無論自己既單車、或者租車，都等緊係貨櫃攞出嚟。剩係貨櫃車都4架，真係好勁。
![]()
攞好晒車，試好晒就出發。我哋都算遲出發既朋友，一開始就沿酒店既湖出返去馬路，之後就一直係馬路上踩。雖然話180架單車，不過大家有前有後咁出發，其實差距真係好大。
![]()
原
先我唸住會係踩廣東既綠道，無唸過係踩上大陸既馬路，大陸揸車都驚啦！仲話踩單車！點知d司機都出奇地禮讓。雖然條路好大沙塵，仲要係條雙程雙線行車路，
再加重型車行走。不過大型車見到我哋都會預先響安警示我哋，然後行過左線過我哋頭，最多都只係驚兩條線都有車，咁我哋就只好定d咁踩住自己條邊線啦！但又
唔好太過右，驚跌落右邊坑渠。
其實踩踩吓就ok，除咗大塵已經無嘢好怕。踩咗廿公里之後，無再係heidi
後面，咁就放心向前踩，但可能始終係比較後既朋友，所以都比較梳落，未必見到前面既單車。最記得去到有個位，勁似上高速既收費站，但前後又無晒d團友，真
係唔知點好。最後見到右邊有條路寫不收費車輛，所以先踩過去，但發現呢個收費站唔係高速路攞，無端端有個收費站，嚇親我！
踩馬路除咗大塵外，另一個驚位係d路好多沙石，一來驚踩得慢到
沙石位失平衡，二來咁多沙石玻璃，爆呔漏氣唔知點算！好在有驚無險，踩到5點半左右，天
開始黑，去到其中一個站，就要求我哋上車。所以我係踩唔完第一日所指示既65公里，相信大約踩咗45公里左右，去到松塘村。之後旅遊巴再向前去多兩個站，
接埋其他團友，就車到肇慶市酒店 –
金鑽大酒店。因為我哋都係係酒店食晚飯，所以俾我哋1小時上返酒店沖涼，然後再去餐廳。跟呢d單車旅團都幾爽，起碼唔駛成身臭汗食飯啊！
我哋間房雖然係尾房，不過就多咗個廳，所以好大，而且我無唸個呢d單車團都有大陸5星酒店住，以為係住d cheap cheap 3星酒店。
今次既活動係慶祝30週年，所以今日酒水任飲，都算唔錯。D餸亦都好豐富。加上今日踩咗成個下晝，真係又肚餓又攰，所以食飯最緊要。去到中段，仲有抽獎活
動，不過嗰會長或幹事等人實在太長氣，攪咗好耐，又講d唔識笑既爛gag。都唔知佢想點，我哋成圍枱都未致於係熱心會員，悶到我哋嘔白泡，都唔知做咩好。
最後攪到成9點幾10點先完，真係火都嚟。
食完飯，我哋就去按摩，的士司機介紹咗間沐足俾我哋，先頭我哋仲鬧，點解車我哋咁遠，但按完1小時，真係爽晒！只係58蚊，個個師傅都鬼咁大力，疲勞盡消。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
