2013 步走大自然 － 米埔慈善步行

難得 Pindy 約我，而我又未去過米埔，所以參加咗呢個世界自然基金會既活動。

活動應該9點鐘起行，要求我哋8點半到上水。所以我即係7點半要出門口，點知我唔知醒起身，7點半先知醒，大鑊。用咗極速既時間出門口，跟住搭地鐵，最後係9點左右先到上水。好在每三個字都有車到，同埋無要求我哋100%跟足確認函既時間，總算好彩。

坐車由上水入米埔，今日天氣真係麻麻，落住雨，唔知仲睇唔睇到雀。去到米埔，大會要我哋登記先。登記完，係賣嘢既count就見到 Wendy，佢真係咩義工都參加。不過我都估會見到佢。

著好雨褸，開始起行。真真正正行入米埔，原來有個閘寫住，相信因為平日唔可以隨便進入。一路沿小路行走，雖然落住雨，影相又唔方便，但都真係見到有唔同雀 鳥係樹上，或一D鶴係河上。而沿途行時，仲有一D支路去觀鳥亭。觀鳥亭其實係一個鐵皮屋，但被樹木封住，入到去，窗位（其實係無鐵皮既地方）就俾你望出去 河上，見到唔同既雀鳥。


再一路沿小路走，有一個用環保磚起既屋，入面介紹米埔既雀鳥，春夏秋會見到唔同既品種。離開咗繼續行，都係差唔多既景物。去到分叉路段啦，有兩條線路選 擇，一條係長D去多個觀鳥亭，而短嗰條就過一個睡蓮池、同埋禾稈草路出去。我哋當然想行長路線，不過又想影吓蓮花，所以我哋行一行條短路線，影影相先。呢 條路係木做，係池既中間，大家就可以欣賞兩邊既睡蓮，不過今日行都幾驚，好驚濕會滑到，跟住跌落水。好小心咁行，又就住咁影吓相，落住雨影蓮花真係唔錯， 因為有漣漪。之後再向前影埋禾稈草，就折返，行返條長路線。


長路線會再多行一間觀鳥亭，然後都會與短路線接合，都係到第五個站。去埋第六個站做問卷，跟住就行得比較長。呢段路沿住鐵絲網行走，100%禁區路段。鐵 絲網後已經係深圳，所以高樓大廈特別多。雖然呢條路有D長，又無觀鳥亭，不過當然都可以望到雀，同埋大會都整咗一D活動，等大家唔駛咁悶，例如介紹呢度 － 基圍。原來真係基圍蝦既地方。再向前行就介紹黑臉琵鷺。佢哋好稀有，但每年都會嚟香港，居然我哋係觀鳥亭既時間已經見到佢，好榮幸。


差唔多行完，再有一個站，之後見到警署，然後就出返登記既地方。圍住米埔行咗一圈，足足三個小時。之後就上返接駁車去

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/