今日又繼續行山練習。避開猛烈既太陽，又繼續選擇黄昏時間開始起行。我哋行返第一段既陽明山來回一圈，再加到鰂魚涌。一開始嗰段都係輕輕鬆鬆，不過今次都係俾第一次難行。因為泥漿地，又滑又行得吃力。
唔知點解今次無第一次行得咁順，上山既路吃力到爆！完全係用辛苦嚟形容，行幾步又停吓！氣都喘晒。但Wendy d friend 堅勁，唔駛抖，仲要有氣講嘢嗰吓堅，真係學唔到。
上咗成粒鐘，終於好開心落山，今次唔敢大大步行，因為上次攪到小腿勁攰，所以都係一步步嚟算啦！行完第一段接住過馬路，行第二段既衛徑（港島徑）。呢條路行過兩次，今次夜晚行，唔知有冇咩唔同。
行到第二段好似順咗好多，起碼上山唔駛死死吓咁！不過無風、勁熱真係好辛苦。過咗嗰石礦場，跟住唔駛落沿鑛坳，繼續行衛徑，呢段路從未行過，估唔到咁靚。
因為係山上居然右邊望到Mega box
至官塘，甚至日出康城都見到。而左邊望到中銀，中環一帶，更加望到ICC。真係好靚，靚過山頂睇夜景。可惜今日無帶相機。但我第時一定要再嚟影多次相先
得。
跟住一路落山，不過唔知點解落山條路要係山腰行咁耐，明明行梯級落時已經見到 one island
east，但無端端條平路好似行返去炮台山，再屈返鰂魚涌咁。終於見到觀音同D鑊。証明就快到鰂魚涌。點知出返栢架山條大路，仲要我哋行去樹木研習徑，向
康山嗰邊行，最後要行多成半個鐘先出返英皇道。
五個鐘既行程，無多無少！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
