公司新同事話約打war game,未試過所以試吓!今日去到新蒲崗工業大廈內,未夠鐘時,見到之前班人玩緊,佢哋d裝備嚇親我,唔係咁認真啊!同埋呢個活動真係好仔lor,全層樓得一條女,就係等佢男朋友玩完。
到咗我哋既時段,原來我得三個人識,不過都無咩所謂。但係大家都唔係玩玩吓,有晒自己d槍,都係好認真既裝備!
場地都有槍出租,場主仲簡介咗點用,攞起把槍嗰刻真係覺得好型!
呢個場都幾大。分咗兩隊,由唔同入口入場,跟住避係D障礙物,見到人就射。其實都幾難,又驚行出嚟俾人射。唔怪得知之前有人話,其實係狂踎係度,對腳都幾攰,再加上要著住長袖衫,就算係冷氣地方,都攪到成身汗,出汗超高。
兩隊人,其中一隊啲人死晒就會game over。跟住大家都會抖抖先到下一個Game。我大約玩咗兩個鐘就走咗啦!不過都真係出咗好多汗。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/