參加了雷利衛奕訊徑，今日係第一次練習。下晝5點半約係交易廣場6號車站等，搭巴士到黃泥涌峽道，大潭水塘落。行山客一見到個油站就會識落車。
![]()
根據參加者起點資料，我哋要行二十分鐘。沿水塘外圍車路，向陽明山莊方向行去。中間其實有幾段行山路，但今次要到最近陽明山莊既入口，行入去燒烤場。
差唔多6點半由燒烤場開始起行，一路都係好闊既車路，而且不停落斜，向水塘進發，唯一擔心係會miss路口，因為行行吓會變行小路。
![]()
落路到大潭水塘，過埋第一個水壩，我哋就轉右，都係石屎地。 到咗另一個堤壩，又開始日落，所以停底影咗幾張相，跟住開始行一d小路，再過埋大潭副水塘，泥地路開始。不過都唔係難行，因為只係圍繞水塘既平路，只係天色已經黑，係叢林中更黑，要即刻準備頭燈!
行咗大半個圈之後，最後階段，嚟一個天梯，係咁狂上樓梯，不過咁炎熱既夏天，一路上山都好大風，加上又有星星，景色唔錯。而係上山途中，因為無咩點停，所以一個人自己走咗上前，亦係咁第一次行山見到蛇。一條好長好瘦既青捉蛇係樓梯級，有少少驚，但好鎮定咁係佢
尾部行走啦！總算有驚無險。
上咗大半個鐘，有一個坐標柱，無端端係最高點，跟住就勁落樓梯，係咁望住陽明山莊落山。超開心超爽。行完d樓梯，就去返條車路。估唔到用咗兩個半鐘行完咗第一段路程！
![]()
之後去返陽明山莊搭的士到灣仔。輕輕鬆鬆完成第一段。
大潭水塘
北潭涌郊遊徑
菠蘿園
菠蘿園
破邊洲
石澳郊野公園
觀音山 (大嶼山)
長山