泡湯之夜行龍脊

星期六日除咗行街好似百無聊賴，所以就相約行山。8月3日天氣都係時好時落雨，但雨量都不算大。夜晚亦無落雨，所以大家約好8月4日零晨兩點起 行，Perry揸車車我哋去小西灣先。去到小西灣，泊好車，天氣果然不似預期 ﹣開始落起雨嚟！不過都唔算好大，所以照叫咗的士。但上咗的士，只係行咗一個燈位，就痴咗線勁大雨。所以最後決定回頭，車返入停車場攞車。但大家都出咗 嚟，所以都唸住等睇日出，又有車，去邊都得。

我哋唸住食吓嘢先再去等睇日出。去咗天后，原來3點鐘既天后係無嘢食，得點心皇。之後去大坑都係一樣。最後落咗銅鑼灣，經過e house ，唸到去一蘭，點知4點鐘既時間，都要等個幾鐘，放棄。


都 4點啦，所以我哋就去睇日出既地方。估唔到Per係車我哋去飛鵝山。我唸住我哋行山都去過啦！原來車路會再去較高一條，所以又唔同。條路超窄、超黑，我好 想影底，不過又驚影到D唔應該影既嘢！到咗山頂，天氣都唔係好，間中仲係有雨又大霧。等咗一個鐘左右，係清咗少少，望到東九龍既景色，但係唔算靚。到五點 半，再上埋觀景台，咩都見唔到，西貢景色變為濃霧。而天色明顯已經光咗。仲要突然大雨添！避咗一陣雨，我哋就離開啦！

一路揸車落山，天已經光齊。都出返新蒲崗附近，就開始好好天添！唉！居然見唔到日出，但有美麗藍天白雲既一日。好嬲啊！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/