台北、烏來 Day 3 - StayReal Cafe、華山1914、淡水日落

唔知係唔係太夜瞓，居然今朝唔知醒起身。攪到有人拍門先識醒，miss 咗個早餐添！不過咪照跟行程再去，第一站去StayReal Cafe。仲好可以唔駛只係飲咖啡，食埋嘢都得。12點先開門既StayReal，我哋做咗第二枱客人，慢慢揀嘢食同埋咖啡。係等食其間，又可以周圍影相，感覺相當唔錯。嘢食等咗好耐，不過係值得，因為好好味，估唔到鬆餅咁好味。

食完我哋嗰早餐，我哋就係忠考乜乜度周圍行。唔知係唔係星期一關係，或是太早，好多舖頭都未開，加上又鬼咁熱真係唔想行。我哋只係去咗糖村， 買咗我最 like 既牛軋糖，跟住就要係商場行。發覺無咩吸引，我哋就去地下街。原先唸住搭捷運，見行地下街會行到一個站，所以決定行去。地下街其實無咩啱睇，不過都行得幾 舒服。地下街由忠考敦化到復興。但我哋要去新生站，所以要係陸地行多一個站啦！超熱又無嘢睇，不過都要繼續行。終於行到去華山1914。

去到見到Cherry咁熱，所以求奇入咗間餐廳坐吓飲嘢。抖咗一輪準備走時，發覺落起雨，但係出住太陽咁落。所以等咗一陣細雨D就起行。周圍望吓，其實唔 係咁多嘢睇，同埋專登保存外牆好舊既特色，就係好殘既感覺。行完一周離開，點知真係超大雨。大雨到行唔到，係天橋底避咗一陣。到細雨D先行，亦係咁，攪到 行咗另一條路，去咗台灣深水埗 ﹣電腦街。仲見到光華商場，以前去過一次，估唔到有機會嚟返。落咗捷運就開始我哋長旅途車程。我哋要搭車去到淡水，真係坐到人都癲。

去到淡水，天氣好好，估唔到頭先落大雨，而家會咁好天。行咗一陣，買咗大家既嘢 ﹣唉！攞餐死既基諾奶茶。之後我哋就坐係度睇日落 ﹣好浪漫添！

睇完日落，搭超耐車，係捷運瞓咗幾轉，去到公館站。基本上太肚餓，求奇食咗個魯肉飯。跟住行去師大夜市，但無嘢好做，又熱。真係行咗一轉就走咗啦！但我唸住返去會再食嘢點知Cherry 話飽，所以我放底咗D嘢，自己去台北車站，同埋西門町搵食。點都唔想咁早返去抖啊！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/