第二日，9點半要起身食早餐，住民宿就係有呢樣慘，想skip都唔得。食完早餐仲返入房磨咗成個鐘，我哋架車先到。約咗的士11點車返我哋去西門町。700蚊台幣真係唔駛煩，去咗Just Sleep放底咗啲行李，跟住我哋就行去食嘢。Ceci俾咗幾間日本餐廳我，我見其中一間行十五分鐘到，所以就去搵食啦！估唔到跟住嗰 Google Map都行得幾遠，但就超方便，起碼唔會迷路。
去到食嘢既三十三間堂。門面唔係高貴嗰隻，一入到去，佢就問知唔知係點。我只係知無餐牌。坐好咗佢就話呢度無餐牌，食既價錢大約每位1500，2000
or 2500，跟住就問我哋有冇嘢唔食。多數呢D位我都唔會話有嘢唔食，因為實在太多。有時咪死忍一次半次。呢個原因亦令我平時唔 like
食私房菜。間餐廳一開始最唔慣係有陣味，上網睇到先知係主人既貓，不過佢好少出場。
好第一道菜嚟啦，居然係橙煮蠔，係我既死敵 ﹣橙。點解會咁！當然我完全唔會食啦！Cherry
幫我食埋。但佢一路食一路笑。第二道係蟹煲，好大隻蟹，所以由頭食到尾。跟住有我最 like
既荀，接住壽司、麻醬牛肉、再嚟一隻蠔、墨魚帶子、三文魚子皮蛋、火燒螺，最後係甜品荔枝冰。竟然有十道菜，真係飽到呢！但睇見隔離枱仲食得多個我哋好
多，人哋既食量真係勁爆。食飽晒就埋單，十道菜加 sake ，總數3980，每位五百幾蚊港紙，都真係唔平，不過食一次都幾吸引。
![]()
食
完之後，我就去咗買李綿李八仙果，因為一兩條街之隔。買完就去咗對面既剝皮寮行吓，不過入面都無咩舖頭，但係有個地方成日都拍戲，當然艋舺就一定係啦！仲
見到幫龍友係度影相添！之後唔識路出龍山寺，好在 Google
Map又發揮作用。去到龍山寺，入咗去望吓，今次係第一次去，但與黄大仙比較就細D。去完龍山寺居然落起雨嚟，所以搭捷運去到中山站。一開始都好好天，點
知行完個商場開始落雨，不過唔算好大，但入咗一間舖頭，就唔停雨啦！我哋企係門口半個鐘都無細雨到。見細雨少少就起行，點知又落過。迫於無耐入咗間餐廳，
叫咗個茶慢慢飲，不過坐係梳化真係眼瞓死我。攪到5點幾先離開，而原先去淡水就除消咗。
由中山，我哋搭車去返西門，首先行吓西門紅樓，之後行入西門町，原先唸住唱K，點知黄金時間好貴，所以食完飯再去，估唔到我哋最後食任食麻辣火煱。食量真係驚人。食完飯夠十點半去錢櫃唱K啦！兩條友唱到點幾鐘，行返酒店瞓覺。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
