搭朝早8點25分既飛機到台灣，實在太早啦！要5點幾就要出門口，偏偏撞正嗰颱風最接近本港，出門口一刻下起大雨嚟！重要有遮都會濕嗰隻，所以呆出係屋企
幾個字之後，見細雨啲先出門口。亦係咁既原因，攪到我搭遲咗一班車，唔駛坐通宵巴咁貴，但就要同人爭，連位都無得坐。坐一個鐘巴士無位坐，真係人都癲。
去到機場Cherry 已經辦好晒登記手續，因為佢班機仲早過我。入咗閘我哋就分開要去台灣見。
去到台灣，估唔到我去到出境櫃枱已經見到Cherry，不過我既行李等咗好耐。最慘之後出機場又要等出電話咭。真係等咗好耐，因為iphone佢又要幫你換，仲要出咭係要影底護照，所以真係攪咗好耐。
攪好晒就約已經book 咗既的士司機，由機場直入烏來住宿既三好米溫泉會館。估唔到都幾遠，好在包咗車姐。千六蚊台幣嚟到門口真係好方便。到咗酒店check-in咗，放底咗行李，跟住就由民宿坐車落去烏來老街。可能民宿真係與老街距離太遠，所以民宿係包咗一次來回，所以我哋返民宿可以call 佢嚟接我哋，好high 啊！
去到老街由於已經中午，又太肚餓，所以求奇搵咗間餐廳食嘢就算。飲咗最愛既排骨湯，再嚟一個魯肉飯。即刻充滿力量。然後沿老街行，之後去到一條好日式既紅橋，見到好多人係河到捉嘢同埋游水。
過咗橋就見到火車站入口。架小火車同小朋友坐既遊樂場火車差唔多，而且坐既路程亦唔係好長。
去到另一邊，見到瀑布啦！嗰瀑布水流唔算勁，無得同十分瀑布俾，不過就係好高咁流落嚟。所以跟住我就搭乘吊車上去，上面有個叫雲仙樂園既地方，不過估唔到
落咗吊車都要行成二百幾級樓梯先到。上到去見到嗰湖，要再行多幾十級樓梯，見到有民族舞蹈表演，估唔到上到嚟係無嘢睇到咁。而最大間既建築物居然係雲仙大
飯店，嚟呢度住咪一定要坐吊車，好在我無揀姐！唔係cherry 死緊。
搭返吊車落去，我已經熱到不似人形啦！既然都要死啦，所以唔搭小火車，行返出去老街算啦！感受大自然我最like
架嗱！返到老街入口，去咗原居民民族館行吓，之後就回民宿。未到五點，居然已經行晒烏來既景點，仲可以返嚟抖抖先食飯。民宿係包咗晚飯，食咗個簡單既晚
飯，入房泡溫泉，第一日酷熱既烏來行程就完結。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
