第四日我哋要搭三點既機，所以得一小時既自由活動時間。而Cathy 更慘，9點鐘左右就要走啦！我哋三個都係各自食早餐，食完我就落去Central
World 等開門。最後行咗伊勢丹買咗衫褲。之後就係Big C會合Wendy 同埋
Judy。跟住我哋就沿路行入水門。其實都幾怪，只係行多幾步路，就好似去咗另一個世界，去咗貧民區。
一路沿著擺滿地檔既道路，好快咁過埋橋，去到一條大馬路既十字路口。原來唔駛過馬路，出名既水門雞飯已經係不遠既右手邊。呢間著粉紅色衫既水門雞飯。無論
遊客或是當地人都會幫襯。不過唯一缺點，係熱，但呢D都預咗！我哋三個都係叫咗雞飯。你問我好唔好味，我會答都係咁！可能我唔係食家，我覺得同係福華街泰
潮食都係差唔多，不過唔係雪雞，天然味當然好D啦！加上無骨，適合我呢D懶人。我哋食食吓仲加多個冰凍可樂，呢吓最爽。食完埋單居然位位只係50泰銖。即
係10幾蚊港紙，真係好抵，唔怪得知大家都會去試。
因為時間早咗，所以仲有少少時間，Judy 就去 Cath Kidston 買嘢。我就去伊勢丹退稅。最後12點鐘check-out，搭的士去機場。
行高速公路，好快就去到機場，入埋閘，大家仲有少少時間自由活動。Judy就去Mango Tree食嘢！我就逛吓D免稅店同埋飲咗係泰國既第一個棷青。夠鐘後就上機大覺瞓啦！
