0

2013 Day 3 Bangkok - Let's Relax、Ruen Mallika 泰菜、Siam shopping、Scarlett Wine Bar & Restaurant

vi老篤日記 於 2013-06-05 14:42:06 發表  |  累積瀏覽 668

分類:長線旅遊 餐廳 ;地區:曼谷

 2013 Day 3 Bangkok - Let's Relax、Ruen Mallika 泰菜、Siam shopping、Scarlett Wine Bar & Restaurant

嚟到曼谷既第三日,都未玩過酒店既泳池,所以今日一早同Cathy起身,我哋食咗早餐先,之後就去游水。其實酒店泳池唔算好大,不過感覺都算良好,加上我哋住既房又望住佢,所以都想游吓既。游咗九個字水,我就返酒店執返嗰樣,之後我哋就搭的士去 Sukhumvit 既Let's Relax。呢度無Divana 咁豪,但亦無 Health Land 咁大陸。我哋又嚟兩個鐘既 Thai Massage,唔知係唔係做咗兩日,雖然我都仲好痛,不過真正覺得鬆咗D。慘!點解而家D骨頭咁硬。

做完兩個鐘我哋就搭的士出BTS站 - Phrom Phong。原先想搵埋間泰國菜,點知的士都唔係好搵到,所以都係去BTS站接埋Judy 先。最後跟據餐廳 website 地圖,好辛苦行咗好耐,先搵到嗰間泰國菜 -Ruen Mallika。真係唔知點解ceci 永遠都搵到D隱世餐廳。

入到去環境算唔錯,不過搵咗咁耐咩心情都無,再加上又花又草,感覺有蚊勁咬。我哋叫咗蝦餅、冬陰公、串燒及炒貴刁。咁辛苦先搵到間嘢食泰菜,問我其實打咗折扣。如果嗰心平靜D嚟食會好D。或者去完K Village嚟應該唔錯,因為的士行既時候感覺好似好近。

攪到成三點鐘先食完午飯,不過餐廳有樣好 Citibank Visa 有折。算係最後有少少改觀。

食完飯就搭的士出去BTS Thong Lo站。Wendy 話呢度有間好出名既芒果糯米飯,可以買定返去酒店今晚食。買完後就搭BTS返去Siam 行街。唔搭的士係怕星期六下晝市區超塞。

去到Siam,一嚟行Siam Center。三樓既舖頭有少少唔同,同埋舖頭都好似裝修過。而四樓既food court 勁似大食代。我哋第一站去咗fly now iii,因為我要買衫,同埋睇吓大家夾唔夾到,不過最後都只係得我買。跟住就自由活動時間。我再次發揮超心急,超快既步伐行晒D舖頭。估唔到今次我睇中另一品牌DA+PP,其實係男裝啱我細佬多D,所以幫佢買咗兩件衫,之後再去Central World嗰間就買咗裇衫同埋我買到鞋lor!但係同一間舖頭估唔到Siam Center 3千蚊就可以退稅,但Central World 要5千,下次都係要留意。

離開Siam Center,我就行咗去四面佛對面既 Amarin Plaza買ceci既Oriental Princess美白面膜。再買埋林真香,手都跛。之後我仲去埋Big C買埋嘢食添!攞住5袋重嘢返酒店。過嗰條天橋再行入去返酒店真係甘。

返到房,放底D嘢,沖返嗰涼爽爽先!再換埋衫,仲有一個鐘自由時間,所以衝埋去Central World 睇,所以咪買到鞋,不過其他既衫都覺得有D貴,所以無買啦!

8點半鐘係酒店大堂集合,搭的士去Pullman Bangkok Hotel G。我哋今日食呢度既37樓法國菜 -Scarlett in Bangkok。 睇相感覺 high d,嚟到就見到周圍既人都盛裝,不過以食法國菜嚟講,環境比較嘈。佢俾咗一個窗口位我哋,都幾唔錯。而餐廳會有highlight 今日推介,仲會show 一碟係門口,感覺唔錯wor。我哋每人叫咗嗰湯,跟住有沙律、龍蝦、羊架、意粉等。其實應該係三個main course,照計四個人應該ok。但我飲完嗰龍蝦湯再食埋d Parma Ham,我已經開始好飽,好辛苦先食埋少少羊架,我跟住已經切底投降。

我哋最後應該坐到十二點就離開。望見呢間精品酒店其實都覺得幾靚。影多幾張相後,我哋就返酒店,曼谷之旅接近尾聲。







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/









鐘意SeeWide的分享,給我們一個Like吧!
  • 攻略日期:N/A
    攻略地點:曼谷
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209407

全部攻略 323

全部回應 5