酒店既早餐至到十點半完，所以今日唸住九點九左右就食早餐，估唔到 Hea 得嚟都要咁早。酒店餐廳 Ginger 及 The World
都可以揀。今日試咗 Ginger 先。相對地呢間比較少人，同埋到十點半，十點鐘已經開始準備執嘢啦！但有粉有粥有麵包，都算係咁！
![]()
![]()
食完早餐我哋就搭的士出發去The Promenade。
呢個啱啱係新假期介紹既新場，舊年嚟都未有，又話歐陸式咪去吓！但估唔到嗰場都係幾遠既地方，搭的士都坐咗成粒鐘，連埋高速公路費，三百蚊泰銖先到！不過
呢度都有我最 like 既兩個泰國牌子：Shaka London, Fly now
iii，抵嚟既！我哋十一點三嚟到，自由活動大約兩個鐘，當然我逛晒我喜愛既牌子。同埋以我一個心急既購物狂，我仲喪行埋隔離嗰大 Mall -
Fashion Island。Fashion Island 面積真係好大，好多連鎖店都有係度。但最高嗰層賣電話殼，嗰 feel
有少少似深圳，唔係咁OK。行完街會合返大家，就食午飯。不過大家都睇嚟好飽，所以只係飲杯咖啡就算。飯後我哋就做去做spa。
Book 咗3點半既Divana Virtue Spa，差唔多早咗半個鐘到。不過都好，又要揀香味，又要揀磨沙，早半個鐘都好既。的士去到 Spa，入到去見到兩個香港人，証明幾多香港人會到。我哋一早已經係網上揀好晒，再加上 print 好晒泰友營 ﹣胡慧沖既 Coupon，平日有85折，真係抵晒！
我同Cathy都係做完磨沙再做massage。雖然磨沙既果醬好舔，但感覺磨完好乾淨。之後再嚟massage，今日勁玩指壓feel。一樣咁痛，唔通我身體已經響起警號。130分鐘既Nurture Spa Essence，都係二千四泰銖，爽啊！
離開Divana 已經就快7點，估唔到前後停留咗咁耐。我哋撘的士去食意大利嘢。今次我揀咗il bolognese，
唔想同上次一樣，所以係 Trip Advisor
研究咗好耐。間餐廳環境都好靚，佢仲俾咗間房既位我哋，可能驚我哋四條女太嘈，影響其他客人。我哋叫咗個芝士併盤、Parma
Ham、意大利生牛肉、Risotto、仲有Pizza。嗰生牛肉真係好味到好緊要，嗰意大利飯亦係好好味，好味到形容唔到，連相都唔記得影。而嗰火焰
Pizza 對比就差D。唔知係唔係要噴火，所以攪到餅底有D霖。但整體今晚好正，食得好開心，而且每人都係三百幾蚊，香港真係食唔到。
食完飯我哋就搭的士去夜市 - Asiatique。原先唸住試搭船嚟。但估唔到又落雨、又唔想煩，所以都係揀的士最方便。
一落車，三條女就俾間舖頭吸引住。估唔到佢哋既跌錢能力真係好高。買完就正式行入夜市啦。行街既時候，當然各自各啦！所以約好兩小時再集合。不過問心我夜市唔係咁啱睇，我只係跌咗錢買咗D手飾，同埋嘢食。行完兩個鐘，超攰，又熱，好想快D返酒店沖涼啊！
差唔多11點半，搭的士返酒店。不過門外都幾多的士佬兜客，不過唔想俾人屈，都係出返馬路搵Meter 的士。最後順利回酒店。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
