由傾到埋欄都唔夠三星期，曼谷之旅終於成行。今次距離上次嚟曼谷只係一年左右，雖然人腳唔同，不過避免去返相同既地方，所以都有研究吓有咩新場，同埋未試過既食肆。
今次第一次搭香港航空，因為無其他機，冒住會Delay 既風險，估唔到都係遲幾個字姐。出到機場，首先買張 SIM card 先，THB299就可以無限上網7日，仲送咗100蚊俾你打電話，緊係要買啦！
買完卡就搭的士去酒店。四個人加上四個喼，真係無可能坐到架細車，所以要坐大架啲既的士。不過大架啲要收七百，四個人咁計都ok 啊！今次住Centara Grand at Central World，雖然無舊年嗰間咁貴，但都唔叫做好平，不過方便購物最緊要。
放底晒行李，我哋就行去 Chidlom 站既Super Rich換錢先。以前換錢去林珍香，唔知幾時開始要嚟Super Rich。有錢係身就去食嘢！原先唸住去 Gayson 食阿蘇都話正既魚蛋粉，點知無咗。所以求奇係附近食咗就算。食完飯我哋就搭的士去Health Land
Sathorn 分店做按摩。第一次去 Health Land 做，果然當地人都會去既按摩店。而且做按摩都可以做到樓高八層，真係唔野少！入到房開始我哋兩個鐘既
Thai massage。唔知係唔係好耐無做呢，嗰人又緊張，佢按我又勁痛，特別佢拉筋，真係攪到我想喊，估唔到我啲骨頭硬得咁緊要。做足兩小時都係
THB500真係好平。唔知係唔係太平呢，所以按摩既人會要求貼士100蚊，我哋見咁平，又開到聲，所以每人100蚊小費。
離開 Health Land我哋就沿BTS
條鐵路搵站，估唔到行咗兩個街口就到 W Hotel，跟住就上天橋去 BTS 站。唔知係唔係放工既時間，加上附近好多銀行大廈，所以 BTS
站好多人。我哋都要第二班先上到。而去到Siam 站先好多人落車，有位坐吓，不過搭多一個站去 National Stadium 就落車啦！
落咗車一路跟住餐廳既地圖向前行，佢哋提供既地圖好似好近，但行起嚟都唔簡單，再加上條路好黑，又好似準備重建既地方，無咩人。好在我哋今日早食飯，7點左右，如果夜啲都唔應該行去。但問題上網 Check 過去建興酒家，啲的士司機會車你去第二間局你食貴嘢！所以用腳搵都係安全啲。行咗三個字終於到咗。我哋今餐叫咗黑胡椒蟹、生蝦、粉絲蝦煲等。黑胡椒蟹真係好好味，又唔似香港啲海鮮酒家太呃錢，每人都係百幾蚊港幣，就食到豐富海鮮餐。
離開酒家咁啱就落雨，我哋由呢度返去酒店其實好近路程，居然司機收我哋 THB200，不過無車，又落雨，我哋就局俾，其實由機場出嚟坐細車都係 THB400，而家幾分鐘都收200，真係好貴，好在換返港紙平平地姐。
返到酒店我哋抖咗一陣，跟住就上頂樓既Red Sky。
問咗佢哋拖鞋都入得，我哋就唔理好hea
既樣。不過望見周圍既人真係盛裝，當堂自己都覺得好樣衰。啱啱入去因為落完雨關係，所以我哋只可以坐室內，但停雨及清理完後，就可以坐係室外。望住夜景加
上不停換顏色既坐標，確實唔錯，大約飲到11點半左右，我哋就返房瞓 lu！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
