五月天[諾亞方舟│明日重生] 2013 世界巡迴演唱會 - 香港站

又到了五月，又是睇五月天的時間。今次由於搵唔到人內部認購，先頭仲好彷徨之際，居然公開發售時買到飛。可能因為佢今次有一半都攞嚟公開發售。不過同時亦 有其他唔同既 frd 問我睇唔睇，但去到最後居然我要咗同事既飛，因為佢話係內部攞比較前，所以五月五日睇五月天，正！

入到去個位其實唔係正中前面嗰堆，不過我真係第一次坐正左右兩邊行出嚟既走廊位。如果佢行嚟握手，我即刻撲出去，一定握到手同埋上鏡。

8點半鐘準時開場，一嚟走係報新聞，不過香港同高雄唔同，由劉德華嚟主講。講完新聞當然就開場啦！之後全場企起身吶喊！去到第二首歌愛情萬歲，大家手上五 月天既螢光棒就開始轉色啦！成個場館由藍變紅啦！估唔到香港咁快玩添，仲要之後好多首歌都有玩，high 爆全場！好在我啲同事最後大買晒大會螢光棒，多謝 +Asintar Chan 幫手。

我永遠都唔會記得唱咗啲咩歌，不過 +Asintar Chan 同我講第一場無唱叫我第一名、同埋孫悟空。後者超級愛，喜歡！

演唱會中段，應該係準備行去台兩側既時間，所以第一時間行出去，企正保安隔離，怪獸行嚟真係超近，近到我支鏡都對唔到焦，而用電話影，同平時自己影相一樣咁近，只係佢太大動作，所以唔清！

跟住到石頭行過嚟，不過佢無企正係我前面，反而阿信又行埋嚟，我辛抻手已經丁可以扯住佢件衫，攪到我唔識反應，齋望！

好在去到最後阿信又再行埋嚟多一次，終於影到，眼圈、暗瘡都睇得好清楚，哈哈哈哈！

今次因為嗰位大正，加上買咗枝新鏡大白嚟影五月天，對d相非常滿意，全日都在興奮既心情！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/