黃色巨鴨 Rubber Duck
![]()
因為大熱既關係，一早唸住一個人去睇鴨。點知噚日講起 Ivy 同 Judy
都有興趣，所以三個約係青衣城，跟住搭的士去到香港船廠，見到都有d市民係小山丘度睇。我哋都即刻走上去。可惜今日見到既鴨只係得背脊俾我哋睇！唔知點解
佢今日望住汀九，背對大家。不過一場嚟到，都要影張相留念。同佢一齊背對鏡頭啦！
![]()
有感見唔到佢眼仔睩睩既樣，所以我哋決定過汀九望吓佢既樣先得。一路沿船廠行出去，見到有的士，即刻飛的由青衣過去汀九，去到近水灣落車。好多私家車停咗係度，相信平日唔會咁多人，今日應該例外。
係對岸見得好清楚隻鴨，唯一美中不足就係船纜阻住咗，遮咗佢半邊面。我哋嘗試行遠d希望睇得清楚啲，點知都係差少少，不過對比背面點都好好多。不過要同時影清隻鴨或者人就有啲難度。
影咗好耐隻鴨，準備走時，發覺隻鴨開始傾斜，相信係放氣中，等待游出維港。好在我哋影晒相姐！唔係就失望而回。
我哋沿青山公路一路行出荃灣西鐵站。之後我仲去咗海港城，Rubber Duck 展覽排咗好多人，唔止係電梯旁，仲要去到後樓梯，想入去都唔得。之後行去天星碼頭，原來有廿仔小鴨係度，仲有好多人同佢哋影相。真係全城為 Duck 瘋！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
