0

立山黑部之旅 - Day 3 - 京都

vi老篤日記 於 2013-04-21 14:51:17 發表  |  累積瀏覽 356

分類:長線旅遊 特色景點 ;地區:日本

 立山黑部之旅 - Day 3 - 京都

係較傳統既民宿居住,朝早一定可以享用一個好豐富既早餐。有魚有飯有湯,驚死唔飽咁!仲要係美食慢慢品嚐。有時對於香港人嚟講,真係享用時間太長,同埋過於認真,攪到唔好意思!

食完早餐,我哋就坐民宿提供既免費巴士到 JR信濃大町站。噚日係立山黑部遊覽,已經穿過長野縣。証明我哋已經由關西轉向返東面,不過今次為咗平d相同地方來回,所以已經預咗大阪入大阪走,所以無繼續向東面去。

我哋由信濃大町搭車到松本站,之後係松本 Toyota攞車。開始我哋今日既遊車河。大約12點鐘出發,去到京都住既民宿,約需要5個小時既時間。一路上,都可以望到雪山既景象。如果天色再好d,相信會再靚!

我哋係中間既休息站停底影吓相,食午飯。飯其實就食唔落,唸住叫個地道餅,點知全嗰餅係糯米,飽過碗飯。

之後其實大家都好靜,起眼瞓,除咗阿per努力揸車。不過真係要講當中有條隧道真係超長。相信有十五分鐘長,望住令人瞓覺既黃色燈光,再加上係咁走動,真係超攰。所以完咗呢條隧道,per都要係休息站抖抖先!

之後阿per 繼續努力揸車往京都。終於五點鐘既時間到咗京都附近。我哋今晚住既地方係高雄地區,日本都有高雄,勁!

住既房間
住宿既地方超級隱蔽,不過環境真係好靚,中文名叫川之庵, 好似世外桃園。我哋駛到入去,已經有人叫住我哋,原來佢係員工,話我哋應該泊車泊係邊。而佢跟住即刻入去換返制服,仲叫多六條友出嚟,超誇!唔駛郁手佢哋 幫手攞行李。但好在有佢哋,因為入民宿要過橋,之後上十幾級梯先到我哋住既房間。我哋四個自己霸咗一開屋,屋類面係有自己風呂,有床,亦會有榻榻米。晚飯 我哋亦都係房入面享用。佢哋不停行出行入攞食物,足足食咗個半鐘先食得完。

之後我哋又出車去二条城睇夜櫻。平時夜晚唔會開,因為俾人賞櫻,所以連夜晚都開,不過已經係最尾嗰兩日。我哋去呢一刻仲要落雨。好求奇咁影幾張相,係公園行咗一圈就走。問心未試過,其實咁樣去一次都唔錯既。如果櫻花最靚既時候去,相信感覺亦會唔同。

回到酒店,浸完溫泉,再嚟一枝Sake,今日既節目又完結。







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:日本
  • 攻略時間:N/A
    是次消費:N/A
0人比"掂"

最多能輸入300字

累積瀏覽 208893

全部攻略 323

全部回應 5