買咗9:20遊立山黑部既火車票，7點鐘係酒店食過早餐，跟住就由酒店去到富山火車站，係富山車站攪埋寄行李既手續。呢樣服務真係好方便遊客，完全唔駛擔心行李，好輕鬆咁送到去今晚住宿既酒店，而只係俾千五円，正！
等到7:40，火車嚟啦，準備出發去立山啦！沿路上，天氣不是太好，仲落緊雨，唔止雨，係雹啊！第一次見到落雹，好誇啊！到咗立山，好多人排隊，我就第一日時間要搵換飛處，因為唔知係邊，好驚趕唔切麻。可能有陰影上次係瑞士趕死我，跑到我斷氣！
入咗閘，等待第一款交通工具，登山纜車。架車好細，唔係香港咁成架火車，入到去好迫咁企係窗附近。望見出面白雪茫茫，真係好正，因為好耐無見過雪，仲不特止，佢仲要落緊。估唔到四月去日本都可以見到落雪，好開心！
去到第一站美女平，原先唸住係度行一小時，可以睇吓杉木。點知因為落雪關係，啲地好濕，所以唔建議我哋出去，唯有一路坐巴士上啦！仲因為大雪同本身厚雪既
關係，中間既景點都只係靠車窗望出去，例如遠望瀑布。最後巴士一路上去到室堂。室堂就係雪牆既地方，我哋架巴士經過時，都慢駛啲，等人影吓相架！
去到室堂，超多人係展望台，好辛苦咁上到三樓，原來可以出去望雪山，行雪地。望見有啲滑雪者努力咁行上山，行上去好辛苦吓，得滑落嚟既幾分鐘快感！
而我哋就影吓相，同埋去咗一個人行峽谷，影相一流，所以玩咗好耐！
之後落返展覽館出返去車路，睇返promotion poster 既巴士雪牆景。今日係今年第三日開山，仲有攝製隊介紹添！而今日既氣溫係負三度，雪牆高18米，係最高既時間，真好彩！
![]()
影完
Poster，就坐電車穿過山洞到大觀峰。呢度嗰瞭望台好細、好多人，攪到影相超辛苦。不過山脈又真係幾靚既！接著就坐吊車落去黑部平。開始離開立山，進
入黑部地區。嚟到黑部平，其實都係望住雪山山脈，不過係呢度望低咗，感覺又真係唔同。影完相，再坐纜車落去黑部湖。見到半冰面既黑部湖同水壩，大家都沿壩
行去另一面。呢度比船灣淡水湖同萬宜水庫都靚好多同大好多。之後我哋就停底嚟過午膳，其實就快三點啦，餓死咗！
食完飯唸住佢高點既瞭望台，點知又係話危險無開。唉！真失望！只好繼續搭電力巴士，穿越山洞去到扇澤。今日既立山黑部之旅就完結。
由扇澤坐巴士去到大町溫泉鄉，車程超短，差啲唔識落車。落咗車已經有酒店既車問我哋。咁啱我哋見到酒之博物館，所以話遲十分鐘先上車。入到去，博物館無開，但商店就有人，買酒先係我哋目的，無所謂啦！
買完就坐酒店車回酒店，大約係五點鐘左右。正！可以嚟過溫泉，之後再食飯。今日民宿叫
星野集團松延，當然係睇旅遊書同blogger 介紹。
今日溫泉主題係檸檬。仲有 sake
任飲，爽！沖完涼，係酒店門口仲有個爐，可以食吓薯仔，好地道吓！7點鐘，開始慢慢享用我哋既晚餐。一道一道菜，食咗好耐。最正係主題雪之煱，用棉花糖做
雪，一著火就融雪。食埋嗰飯，因為已經8點左右，我哋要趕住參加製造糯米滋、同埋出去觀星，所以甜點留返係房到享用。
觀星完畢，回到酒店，再嚟過溫泉浴。今次轉咗主題，變為檜木風呂。好似一個個砧板浮咗係水咁！好攪笑，但啲木味好香。
Relax 完，最後享用我哋既 Sake，尤如回到三年前上富士山既情景！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
