乘搭零晨機飛往大阪，最開心唔係玩盡每一日。而係透過 Fanfare 買到一張唔駛二千四蚊既大阪機票，再者去到閘口上機前，無端端俾人upgrade 去 Business Class ，真係重來未試過。
![]()
好
大鄉里之下，坐咗係商務客位，一個人霸咗一個行李架，坐係極闊既坐位上，空姐己準備問你要咩飲，所以一坐低就嚟個香濱先。跟住起飛無耐，又推住架車，有晒
紅酒、白酒飲你選擇，真係正到暈。我仲要坐幾前，枝白酒仲係我面前開添！嚟完白酒，慢慢攪吓周圍既嘢，包括櫈、head
phone、電視，每一樣都好新奇。最正當然係張櫈啦！瞓晒都得！之後到晚飯，用餐車推住d
食物，同酒樓差唔多，同平時飛機餐車真係好唔同。而上菜既碗仲要用酒家平時白色嗰d，正啊！而且飛機餐好好味！真心，第二次覺得原來飛機餐都可以好好味。
食完嗰餐，再有朱古力同芝士做甜品。我最愛既芝士啊！不過真係飽到食唔晒！食完飽飯，睇咗陣電視，跟住就瞓。Cheap 人真係 Cheap
人，原來係飛機瞓直晒都幾震，唔係咁舒服。
![]()
三
個幾鐘頭，落咗機，買好去富山既火車飛，又嚟長途旅行啦！呢程火車仲耐過飛機，不過中間係新大阪站轉車。整個車程成四小時有多。去到富山已經係差唔多下晝
一點鐘。我哋去到酒店放底咗行李，之後就出去食嘢。不過我又好差，由飛機到火車既狂震，我相信我暈車浪，叫咗個拉麵都只係食咗兩嗒。所以原先既行程去神通峽，我都決定放棄。最後我哋係富山行，去咗松川，跟住坐觀賞船欣賞沿岸櫻花。未試過去日本睇櫻花，感覺真係好浪漫，好可惜呢個時間已經遲咗，d櫻花開始謝，同埋好多樹葉出咗嚟啦！
遊完船河，跟住就行咗去富山城。去過名古屋城，覺得呢度好細 lor！佢既用途已經變為一個展覽館，但今日無開門。之後我哋搭咗循環線路軌火車回酒店(感覺有少少似係瑞士)。
返到酒店，完全係攰，瞓咗係度唔願再郁。抖咗兩個幾鐘，最後8點出嚟去咗富山市政廳既瞭望台，呢度算係富山最高地方，但亦睇得出呢度真係只是一個小市鎮，燈火都唔算好通明。遊覽完我哋就係火車站等+Carol Lam 嚟，之後就係酒店附近既一間小店 -だい人，之前睇日本既 open rice 都話唔錯，食咗個炸蝦仔好吸引，最衰太夜去，佢個刺身併盤已經無晒，加上雞同鴨講，基本上等佢推薦，嚟到就食啦！食到十一點，第一日既行程就完結啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
