星期日又去另一個藝術地點,今次去咗土瓜灣既牛棚。土瓜灣對於我嚟講真係好陌生既地方,所以落咗巴士都要開住 Google Map 先搵到。入到去無咩人,但環境真係唔錯。睇吓當中既藝術展及盆景都幾寫意。
離開之後,唸住搵路線行出旺角,點知見到原來附近就係宋王臺公園,當然睇吓,因為我應該重來未睇過呢個歷史古蹟。
之後我就沿馬頭圍道行向理工大學,途徑高山劇場。原來而家既高山劇場都係以粵劇為主。最後沿漆咸南道到理工大學,再行出去佐敦、油麻地。
一路向佐敦行,一心想去太平館食個下午茶餐。已經三點三,但門口都無下午茶餐牌,唯有放棄啦!轉戰第二個地點美都餐廳。叫咗個出名既西多加杯奶茶,其實感覺麻麻,覺得安利好似正d。
補 充完體力行咗嗰對面榕樹頭。我發覺我都係未真正行過入嚟,估唔到住係香港咁耐有好多地方真係無去過。未去過既地方真係仲有好多,所以我之後行咗去果欄。呢 度100%未嚟過,以我咁憎恨生果既人,真係超驚聞到果味。不過嚟到之後發覺,呢度俾我既感覺好似築地,兩邊既屋都係戰後時期既建築,又矮又舊。如果舖頭 開晒門會好熱鬧。除咗我都仲有其他人係度影相。我記得睇過人哋既作品,如果零晨嚟又有唔同既感覺。呢一刻我明白點解當初話要保留呢度既特色。如果大家去旅 行都要感受人哋既社會,點解香港人自己唔嚟呢度行吓呢?
其實呢排假期行咗幾個保育既地區,發覺一個舊既建築物以藝術去包裝,的確令原來既建築物特色得以保存,亦可以作為一個發表藝術既基地。唯一唔足夠可能係宣 傳,試問除咗剛剛改建嗰一刻會有介紹外,之後就會俾善忘既香港人遺忘。除咗宣傳,又或者每一坐建築物以不同既藝術作包裝。好似油麻地戲院會係八和會館既地 方,主力推廣粵劇。如果有多些引導,總好過而家既藝術家要係火炭工廠大廈租地,而市民去參觀亦非常唔方便。
同埋唔好再將d舊建築物作為商業用途,睇見1881不輪不類,以前水警基地明明係一個小山丘上,但而家唔駛上斜,仲要凹咗落去,而且係一個高消費既地方,攪到舊建築物都好似變咗人工復古樓差唔多。希望嚟緊唔好再有呢d咁既保育啦!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
油麻地果欄
釜山水族館
Thormork 冰島高地
六義園(東京)
中環街市
珠璣巷
數碼廣場
G-fit