爆衫猛男show

唔駛錢有飛，有人邀請我睇呢個爆衫猛男Show。之前一路既宣傳勁似鴨店咁，或者選港男，所以真係唔知佢做咩！就算到開show入場，其實都無咩idea。

去到現場，基本上九成都係女仕，同埋勁似去老蘭咁，完全唔似嚟睇show。果然好多熟女好渴。去到門口攞飛，我哋張飛係$580，估唔到咁貴。不過入到 去，場就好大，但櫈就唔係好多。真係估唔到算冷清。但其實當我哋坐埋位，都發覺其實我哋好後，再加上嗰台好細，距離實在好遠。

到開show啦！d 女仕就好high，同埋大家坐前咗lor。而d鬼妹仲即刻起晒身。不過亦有其他人又唔好高興被阻，叫d人坐底，不過咁high 都有d難啦！

開show，當然你估到會係點，著背心跟住扯爛佢。一開始係係普通跳，跟住又扮地盤佬、水兵、消防員、牛仔。真係咩都有，不過最緊要都係除衫姐。其實攪攪 吓有d位已經係除褲，不過後面係T-Back，前面都仲係三角褲，當佢再扯埋呢條三角褲，就係肉色T-Back，嘩！不過前面會用帽or 手遮住，所以其實咩都睇唔到，但當然大家係度伊嘩鬼叫啦！

除咗跳舞其實仲會唱歌，不過唱歌對比較平靜，而有3、4 part 就係觀眾席拉d女上去，條女埋俾仔圍住跳舞lor！台上台下都high 爆！就係咁樣玩咗90分鐘！如果要我俾$580 我會覺得貴lor！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/