唔係+Asintar Chan 我
唸我都唔知有陳慧琳 Moov Live，當一知道緊係要搵人攞飛！終於好順理攞咗飛去睇！今次講到全場企，以為因為同 You Tube
同步所以唔同。點知原來去到大家都係坐地下。而我哋因為有兩張係VIP，所以借意坐係櫈。其實嗰場真係好細，所以無論坐係邊，都同嗰枱好近。
以為同步會好準時8點開場，點知都要攪一輪先開show。大約8點3，Kelly 出場啦！一嚟當然係最新快歌《So
Hot》。雖然唔會有咩舞步，但我呢d fans 緊係 high咗啦！Moov 既演唱會當然係介紹新歌，所以之後繼續 -
《鐵漢柔情》。估唔到跟住唱舊國語碟既微光。原來佢想話因為呢首歌而認識監製 Alex Fung，所以今次大碟由佢一首包辦。
之後唱咗 Ivana 作既後樂園。估唔到大碟既歌我真係好熟。唱另一首新歌《斷‧捨‧離》，都有介紹首歌講咩，內容係點！當然歌詞難唔到我啦！呢期熟讀麻！再之後唱 It's all about timing.
跟住唱大家都熟悉既 Love Paradise，不過好似後面金至尊既朋友熟d
lor！之後居然會唱誰願放手，真係估唔到！唸住全新歌架麻！跟住就唱咗由孫耀威作既皮利傷，最後再嚟一切很美只因有你。真係完全估唔到。而咁細既音樂會
居然都仲有 Encore 添！佢 Encore出嚟問，大家仲有咩歌想聽，講完又只可以係頭先既 Run Down 揀。其實揀嚟揀去又係唱返 So
Hot！宣傳新碟唱兩次都啱！唱埋就完場啦！大約一個鐘左右，嗰 Show 就完結啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
