![]()
三個初一唔駛拜年既無聊人，真係跟據行大運既準則向北行走。相約2點鐘係上水火車站等。最後我哋2:45分出發，由上水搭51K小巴去到古洞鄉公所落。首先參觀咗鄉公所、仲有隔離既錦益茶樓，之後就見到古洞蔬菜合作社。合作社 - 唔知代表咩，以竹物易物。
之後我哋跟隨新假期既指示，沿河上鄉路走。一路行兩邊都係一d廢工廠咁！唔好話係過年，好似平日都唔覺得會多人。到咗條分叉路去馬草壟路，我哋都照行河上
鄉路走。終於見到河上鄉牌坊。不過d雕像同對聯簡直令我唸起墳場門口。所以我真係有質疑過係唔係呢條路。但見到小巴都係咁駛入去，應該又唔會既。
一路沿車路行
(河上鄉排峰路)，都仍係廢廠，不過亦多咗d民居。但點解初一都唔放炮竹，我仲一心以為四周都好嘈添！失望！同埋周圍又無嘢睇，亂望亦只係見到我最憎既山
墳。行行吓已經無法跟隨新假期既地圖，所以開動Google Map，去咗一條松菊徑，但好快又接返河上鄉排峰路。
一路繼續行，唔知點解去咗條比較窄既路，勁多嘢飛吓飛吓！再行得一陣，見到好大既祠堂。噢！原來都咗河上鄉。今日要去既地方咁就行完。食咗少少嘢就搭返小巴出返上水。
輕輕鬆鬆無嘢睇，就完結咗初一行大運既旅程！
