羅志祥〈舞極限〉香港演唱會

繼11年7月既舞法舞天演唱會，今次又同+Cherry Leung  及ceci 一齊睇！先頭話第四行點知前面仲有好多行添！唔算好近！



差唔多8點7,8 先開場，一嚟係快歌時段，唱咗廿分鐘左右，就換咗另一套衫，繼續唱快歌。唔知係唔係因為嗰名叫舞極限呢？今次都有幾多Dancers 一齊跳。係第二part 快歌時段，開始都仲ok，去到 Twinkle Twinkle，唔知係因為唔記得歌詞 or 咩原因。好似成首無唱咁！接住因為大家尖叫同埋掉毛巾，又攪到係到重唱戀愛達人。最差都係今日既嘉賓，居然係杜德偉，真係呆一呆。


完結呢part 就係慢歌，吊到半空唱空中飛人，跟住又開始講嘢！佢仲要講噚日係唱愛不單行，我相信唱愛不單行迴響大d lor。接住講嘢位實在太多。再唱我不會唱歌又好似萬人大唱K咁！搞笑又唔唱幾句，唔知想點。都唔知係唔係快歌兩part 太長，攪到無晒氣！都唔記得唱邊首慢歌又得半首wor！唱習慣就好，又唔係一整首wor！仲要係最後一句，「請給我多一秒」前又講嘢。真係唔止多一秒。

唔知係唔係咁既原因，跟住覺得嗰show好悶啦！嚟過千手觀音，又係度無聊食焦，攪咩，好似爛gag 咁！我唸我唔like到佢後面既笑位全是覺得好爛，我寧願佢認真跳。我明白點解郭富城叫舞台王者，因為佢真係好認真，年紀咁大都好認真跳。

去到encore 前最後一首歌，又係要講一輪廢話，話實在太多。終於encore 出嚟唱多兩首歌左右，未到11點10分左右就完啦！我同ceci都話下次唔會再睇！  

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/