今朝一出門口首先收到酒店掛係門口既聖誕禮物,真係窩心。
今日其實無預要去邊,但噚日無去到海安路藝術街,咁就一早去啦!
首先我哋行返赤嵌樓附近食早餐,一早既選擇都係魯肉飯! 仲飲埋阿義冬瓜茶! 之後我哋就搭的士落去海安路藝術街。
到咗藝術街,門口兩副畫牆都幾吸引,不過唔知點解樹下有好多小昆蟲,攪到攞唔到好角度去影相。跟住我哋就沿小巷道路行走,但實在太早,所以只得一兩間舖有開門。最後行到藥王廟就折返。
唔知點解見唔到藍色屋牆既建築物,後來搵的士既時候,先搵到。原來佢係酒吧嚟! 唔怪得知話夜晚嚟會更靚!
離開海安路,我哋又搭的士到返台南火車站,乘火車回高雄。
到咗高雄,我哋返回市政廳站,之後行咗去愛河。 去過冬山河覺得冬山河靚d
lor。完全無咩特別嘢!影兩張相就走啦!又到午飯時間,都搵唔到有咩啱食,所以再嚟一個魯肉飯,加咗一個豬血湯。食完嘢再飲埋珍珠奶茶都無地方好去,攞
埋行李就去機場。勢估唔到高雄真係無咩地方好行,早咗成三個鐘去機場。連check-in counter
都未開,所以係度煲劇,簡直頹爆!就係咁四日高雄台南之旅,五月天、演唱會為目的之旅,就完結。