高雄，台南之旅 - 第三日 - 台南市 (赤嵌樓、安平古堡、億載金城、孔子廟)
![]()
![]()
由高雄坐火車到台南市大約九個字火車。十一點三左右就到台南。一嚟我哋去咗搵食先，跟住本新假期，點知未搵到食，反而到咗酒店附近，所以我哋決定 check-in 先，未有房都可以放底d 嘢麻！我哋今日住佳佳小南天，位置都算方便，亦多謝佢好清晰講解，所以都幾易搵到。放底咗行李，佢仲俾咗份好簡單既地圖，指示咗赤嵌樓同埋度小月既位置，所以我哋決定食度小月。係台北都食過度小月，不過無咩印象。我哋只係點咗擔仔麵，味道都ok。食完嘢就入去赤嵌樓。今日天色好好，有藍天白雲，影出嚟既古蹟都幾靚！
遊完赤嵌樓，我哋就搭的士去安平古堡。
估唔到嚟呢度咁遠，搭的士都好似搭咗幾耐。不過唔代表無人，因為有旅行團之類既遊客，同埋自遊行既香港人。其實嗰古堡都無咩特別，但有一度介紹地下通道，
佢話曾經有傳有條通道由赤嵌樓到安平古堡，如果呢件事係真，都幾嘩然，因為搭車都咁遠，仲要開挖一條地道，簡直不可思議！
跟住我哋就行咗去延平老街，有d 似淡水老街。而兩邊既舖頭都有幾多小食舖，嗰d蝦餅 pop一聲幾響啊！行完老街，我哋就搭的士去億載金城。原來唔算好遠，一陣就到。不過入到嗰城發覺無咩睇，一個方型草地，而圍城對外放了幾個大砲，所以行咗一圈就出返嚟啦！
咁啱的士司機又等待我哋，今次我哋就去返市區既孔廟。司機仲問我哋點解唔去七股鹽山，我哋話咁遠唔去lu！到咗孔廟，行咗一陣，原來正殿都要俾錢入，估唔到今日個個景點都要俾錢。入到去得個正殿，而側邊既屋內就放置咗神主牌，而所講既人物都係儒家大師。
![]()
睇完孔廟，我哋就過咗去對面既 coffee shop 抖抖。我哋入咗間叫小說既coffee shop，環境同飲品都唔錯，不過得幾張枱既舖頭，居然都有香港人。飲完咖啡就行咗隔離條街，行咗一陣我哋又搭的士去食嘢啦！
我哋去咗隨緣茶坊，
佢唔係好出名，不過我上網搵台南既茶居只係得佢。自從去過台中既耕讀園，我就好想再去茶居一次，係台北又搵唔到，所以台南應該有機會啦！五點鐘已經入去食
晚飯，間店都未有其他客人，舖頭唔算好大，但都整咗嗰水池，令到你好似坐係嗰亭品茶咁！食物同茶亦唔錯。我哋坐咗兩個幾鐘，飲咗幾壺茶，水脹晒啦！
之後我哋去咗大東夜市，可能係太飽既關係，完全無興趣食嘢啦！所以只係行咗一圈就搭的士返酒店啦！
今日係平安夜，估唔到台南係一d氣氛都無。我哋仲咁早返到酒店添！後來Cherry話食嘢，就再落附近飲咗嗰鴨湯同鴨肉飯。間食肆其實都係幾豆泥既餐廳，但估唔到都有自己website，好勁！佢嗰名叫古都鴨家莊，佢嗰鴨湯其實都幾好味架！
最後都係未到十二點就返到酒店過平安夜啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
