![]()
|
|
凍到入杯咖啡取暖
|
第二日起身就遊吓高雄市先。一嚟都係去三多商圈，行行百貨公司，同埋誠品。不過今日天氣凍咗好多，再加上落雨，行出戶外既衝動係零。總知係d百貨公司消磨到兩點幾我哋就離開去駁二藝術區。
![]()
一出捷運站，已經好多少女們，完全唔需要搵路，跟隨人群就可以搵到藝術園區！第一個參觀既展區係關於工人既立體雕塑，都幾特別既! 之後我哋就沿指示去到五月天既展館 -無限創造DNA - 「演唱會之王」幕後主腦公開。
嘩! 門口有好多人企係度! 我哋首先去買飛，佢話攞籌就要五點幾，我哋嗰時先三點，所以我哋都係決定排隊等入去。
最後四點左右就入得，入到去所有嘢都可以影相。狂影完，狂玩完，到離開前買埋嘢就走啦！但最估唔到 Cherry 買咗佢哋五個既金色模型。不過放係公司真係一流！
離開五月天嗰展館，我哋就繼續係藝術區行。最後去咗另一邊倉庫，有個積木展 - 積木夢工場。原來藝術家用
Lego砌出藝術品。呢個展覽仲俾CNN評為十大必睇展覽添！的確，展品好特別，更加估唔到係
Lego都可以攪到咁多嘢！離開積木展，我哋向西子湖捷運站行去。今日最衰天氣唔好，如果唔係呢度就係睇日落勝地。同埋我哋行走時已入黑，加上冷風吹，真
係無衝動攞部相機出嚟！但睇到地下既軌跡，呢度以前應該係火車站，仲感覺唔細添！
離開西子湖，原先我哋唸住出六合夜市食嘢，不過我突然又改變咗主意，我哋去咗夢時代。去到夢時代，我哋首先醫肚，係翰林茶館食咗一人一鍋既火煱。之後就上
咗去摩天輪。我曾經坐過，所以無咩興趣再玩啦！不過 Cherry 對呢度既遊戲好有興趣，覺得遊戲同埋佢哋既名好估唔到，例如打爆你隻牙。
影完美麗既摩天輪同木馬，我哋就係商場行吓，臨走前再係春水堂飲咗嗰珍珠奶茶，今次再飲真係覺得好好味！
遊完夢時代，我哋就返去六合夜市，買咗烏魚子，就行返酒店。今日雖然都係住華園，不過今日我係用hotel.com book 既。屬於商務房，估唔到貴一百蚊左右咁唔同，起碼有wifi 用啊！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
