朝早八點去到機場! 嘩! 好多人，果然聖誕呢d假期係外遊既高峰。下次都係避開吓人潮好d。
十點廿分起飛，一個鐘頭後已經到達高雄。對於高雄已經無咩印象。而且機場好細，都無咩地方值得留步。離開機場轉搭捷運就去市政廳站! 酒店離捷運站都算近，加上好大嗰名，所以好易搵到! 放底行李，我哋就向三多商圈出發!
今次旅程其實無咩研究過! 去吓某d出名既名勝就算啦! 不竟我曾經去過都無咩印象，最記得娘娘名既愛河，同埋真愛碼頭!去到三多商圈除咗百貨公司都好似無咩睇! 行咗出街搵食，想食燒肉又話full咗。最後去咗一間好地道，豆泥既食肆食魯肉飯就算!
食完午飯，行咗一陣就去咗卡拉ok! 呢間卡拉ok 唔係錢櫃，佢叫Holiday。上到房就點我哋既五月天，同埋其他歌。最後唱咗差唔多三個鐘，四十六首歌，我哋就離開! 六點二左右離開就搭捷運，去世運站睇演唱會啦！興奮!
![]()
睇完演唱會，可能我哋早行出嚟! 好快就搭到車離開! 之後我哋去咗六合夜市醫肚! 唔知係唔係因為星期六呢，d舖頭都未有關門跡象! 最勁係條街都仲好多人，同埋有好多人講粵語，仲要攞住螢光棒! 估唔到大家行既地點都一樣，食完嘢，我哋就行返去酒店啦！
